تۇسىنىپ وقىڭىز،تۇيسىنىپ ويلاڭىز!

 ادامزات بالاسىنىڭ قول جەتكىزگەن ۇلى يگىلىكتەرىنىڭ ءبىرى-ءبىلىم قازىناسى. ال ءبىلىم سيپاتى الۋان ءتۇرلى. ول ۇرپاقتان-ۇرپاققا اۋىزشا، جازباشا تۇردە نەمەسە كوركەم ادەبيەت ارقىلى دا جەتكەن. كىتاپ ادام بالاسىنىڭ سان عاسىرلىق اقىل-ويىنىڭ جەمىسى، تاريحى مەن تاعىلىمىنىڭ التىن ساندىعى. «كىتاپ دەگەنىمىز-الدىڭعى ۇرپاقتىڭ سوڭعى ۇرپاققا قالدىرعان رۋحاني وسيەتى. كىتاپ وقۋدان تيىلساق، وي ويلاۋدان دا تيىلار ەدىك» دەگەن ەدى عابيت مۇسىرەپوۆ. كىتاپتى تاڭداپ، تالعاپ وقي ءبىلۋ، ونى ءتۇسىنۋ مەن ءتۇيسىنۋ، العان اسەرىڭدى ءومىر قاجەتىڭە جاراتا ءبىلۋ-ءاربىر ادامنىڭ بىلىگى مەن ءبىلىمىن، پايىمى مەن پاراساتىن ايقىندايتىن العى شارتتاردىڭ ءبىرى. كىتاپ ءبىلىم بۇلاعى. كىتاپ ءبىلىمنىڭ قاينار كوزى. ونسىز، ياعني كىتاپسىز ءومىر ءسۇرۋ 21-عاسىردا مۇمكىن ەمەس ەكەندىگى ءمالىم. كىتاپ قانا ءدال ءماندى ءبىلىم بەرەدى، سەبەبى ول ادامدى تەرەڭ ويلاۋعا جەتەلەيدى. ءار ادام كىتاپتىڭ بەتىن پاراقتاعان سايىن ونىڭ الەمىنىڭ تىلسىم تابيعاتىن، جاڭا قۇندىلىقتاردى ۇيرەنەدى. «نادانمەن دوس بولعانشا، كىتاپپەن دوس بول» دەپ تەككە ايتىلماعان. كىمدى دە بولسا بىلىمدىلىككە، ءسال-ءپال بولسادا قۇشتارلىعىن دامىتۋعا كومەكتەسەدى. كىتاپ وقىعان ادامنىڭ شەتتە قالماسى انىق. ەندەشە، وقىرمان مەن كىتاپ وقۋشى قوعامدى قالاي قالىپتاستىرۋ كەرەك. ارينە ساۋالدار مەن سەبەپتەر كوپ. ودان قالدى ءتۇرلى سىلتاۋعا كەزىگەسىڭ. ال ول سەبەپتەردىڭ ار جاعىنان ادەبي كىتاپتىڭ وقىلۋى ءۇشىن كىم قانداي كۇش جۇمساۋى ءتيىس، قازاق بالالارىن قازاق ادەبيەتىنەن الىستاتىپ الماۋدىڭ امالى نە، كىتاپقا بولعان قىزىعۋشىلىق قايدان كەلەدى دەگەن قيسىندى ساۋال تۋادى. وسى ساۋال توڭىرەگىندە جۇڭگو قازاق باسپا ٴسوز سايىتى ۇجىمى بار بولعان مۇمكىندىكتەر توڭىرەگىندە زور قۇلشىنىستار جاساپ كوردى. وقىرمان مەن كىتاپ وقۋشى قوعامدى قالىپتاستىرۋ وقىرمان بولعان ٴسىز، سىزدەرگە مۇمكىندىگىنشە رۋحاني ازىق دايارلاۋشى ٴبىز، سونداي-اق ٴسىز بەن ٴبىزدىڭ ورتامىزعا مادەنيەتتىڭ التىن كوپىرىنە اينالعان جۇڭگو باسپا ٴسوز سايىتى ٴوز قۇلشىنىستارىمەن وي بولىسكەندە عانا كىتاپ وقۋشى قوعامنىڭ ىرگەسى قالاناتىنى انىق. مىناۋ زىمىران زاماندا كەيبىر ماماندارىمىز جاس ۇرپاقتى ادەبيەتتەن تىس ەلەڭدەتەتىن اقپارات تۇرلەرى كوپ، قازاق تىلىندە بالالارعا ارنالعان ادەبيەتتەر تىم از دەپ شىرىلدايدى. ءار وقىرماننىڭ جاسىنا ساي، تىلىنە جاتىق، بەزەندىرىلۋى كوركەم حانزۋ تىلىندە باسىلعان كىتاپتار سياقتى قازاق تىلىندەگى باسىلىمداردىڭ ساپاسى وسىنداي بولۋىن وتىنەدى. ءار سالاداعى وقىرماندارعا ارنالعان انا تىلىندەگى ەنتسيكلوپەديالاردىڭ جوقتىعى دەيدى. قازاقتىڭ كوركەم ءتىلى-قازاق ءتىلى قازاقتىڭ كوركەم ادەبيەتىندە. ال ءار ۇلتتىڭ ادەبيەتى مەن ءتىلى ەڭ الدىمەن ءار ۇلتتىڭ وزىنە كەرەك. قازىرگى جاھاندانۋ زامانىندا جاس ۇرپاقتى كىتاپقا، ونىڭ ىشىندە قازاق تىلىندە جازىلعان كىتاپقا باۋلۋ اتا-انا بولعان سىزدىڭ دە، ۇلتتىڭ كەلەشەگى بولعان ۇرپاقتىڭ دا كۇندەلىكتى ءومىرىنىڭ داعىدىسىنا اينالسا يگى ەدى اعايىن. جۇڭگو قازاق باسپا ٴسوز سايىتى ەلىمىز ىشىندەگى بىردەن-ٴبىر جاڭا مەديانى ارقاۋ ەتكەن ونلاين جوبا. جوبانىڭ جولعا قويىلىپ، بۇل كۇنگە جەتۋى بىرنەشە قىس، بىرنەشە جازدى باسىنان وتكەرىپ، از بولماعان قيىنشىلىقتاردى جەڭە وتىرىپ وزدەرىڭىزبەن بەت كورىسىپ وتىر. سايىتىمىز قازىرگە شەيىن لۋشۇن سوزىمەن ايتقاندا «سىرتتان الىپ كەلۋ» يدەيالوگياسىمەن عانا شەكتەلىپ كەلدى. سايىتىمىزداعى كىتاپتار ايتالىق روماندار جانە ءبىر قىدىرۋ ماتەريالدار قازاقستاننىڭ ەڭ ۇلكەن كىتاپحانالارى: «كىتاپ سايتى» جانە «ادەبيەت پورتالى سايىتىنان» جيناقتالىنىپ اكەلىنسە، ال راديو باعدارلامالاردىڭ باسىم كوپ ٴبولىمى قازاقستان «شالقار» راديوسى تورابىنان جانە «قازاق» راديوسى تورابىنان الىندى. ايتىس ءبولىمنىڭ ىشىندە قازاق ەلى ايتىستارى جانە ارالاسپا ايتىس تۇرلەرى «قازاق ايتىس» سايتىنىڭ رۇحسات شارتى استىندا جيناقتالىندى. ەلىمىزدە وزدىرىلعان ايتىستاردى جەكەلەردەن جانە ءار تۇردەگى سايتتاردان جيناقتاپ اكەلدىك. اۆتورلار ادەبيەت پورتالى سايتىنان جانە باسقا دا توراپ بەتتەرىنەن جيناقتالسا، اۆتورلىق سۋرەتتەر گوگول جانە قازاق تور بەتتەرىنەن الىندى، كەسكىندى جولدامالاردىڭ باسىم كوپ ءبولىمىن ورتالىق تەلەۆيزيا تورابى مەن حۋۇي تورابىنان اكەلدىك، باستىسى قازاق اۆتورلارىنىڭ ەڭبەگىن جيناقتاۋ جانە اۆتورلىق ۇقىعىن قورعاۋ نەگىزىندە ونى كوپپەن جۇزدەستىرۋدى باستى مىندەت ەتتىك. ارينە بۇل ەڭبەكتەر وسى كوشىرىلىپ اكەلىنگەن سايتتارعا ءتان، اۆتورلىق ۇقىعى قورعالادى جانە اۋەلگى سايتقا ءتان. ال الداعى كۇندەردە ٴبىز ەل ىشىندەگى عۇزىرلى باسپا ٴسوز ورىندارىمەن، «ورتالىق تەلەۆيزيا تورابى»، «حۋۇي تورابى» سونداي-اق قازاقستاننىڭ «كىتاپ سايتى»، «ادەبيەت پورتالى سايتى»، «شالقار» راديوسى، «قازاق» راديوسى قاتارلى بەلدى توراپتارىمەن سەلبەسە وتىرىپ، جۇڭحۋا حالىق رەسپۋبليكاسىنىڭ نەگىزگى زاڭ جانە قاتىستى زاڭ ەرەجەلەرىنە بويسۇنۋ شارتى استىندا ۇلتىمىزدىڭ رۋحاني مادەنيەتىنە ازدا بولسا دانەكەرلىك رول اتقارۋدى ماقساتقا الىپ وتىرمىز. باستىسى تۇرمىس ريتىمى اق شايدى ۇرىپ ىشۋگە مۇرسا بەرمەيتىن مىنا زاماندا، وزىق تەحنيكالاردان پايدالانىپ، قالىڭ وقىرمان قاۋىمعا قولايلى، تەز، ساپالى قىزمەت ەتىپ، ولاردىڭ جۇڭحۋا مادەنيەتىنىڭ ٴبىر تارماعى بولعان ۇلتىمىزدىڭ ادەبيەتى مەن مادەنيەتىنەن ەركىن سۋسىنداۋىنا مۇمكىندىك جاساۋ بولماق.

 
جوبا تۋرالى | ۋيچات تەكشە | بايلانىس ورناتۋ | ەرەجە - تۇزىم | لەبىز |

توراپتىڭ بارلىق ۇقىعى جۇڭگو قازاق باسپا ءسوز سايتىنا ءتان!

copyright 2018 京ICP备14027709号-2