قازىرگى ورنىڭىز:ماقال-ماتەلدەر » تولىق مازمۇن

وتان تۋرالى

قوسىلعان ۋاقىت:2015-04-11رەداكتور:جۇمىكەنقاينارى:جۇڭگو قازاق باسپا ءسوز سايتىكورىلىمى:ىزدەلۋدە...


وتان تۋرالى

وتان — ەلدىڭ اناسى
ەل – ەردىڭ اناسى

تۋعان جەردەي جەر بولماس،
تۋعان ەلدەي ەل بولماس.

وتاندى ءسۇيۋ — وت باسىنان باستالادى.

وتان وتتان دا ىستىق.

ەل ءىشى — التىن بەسىك.

پالەن جەردە التىن ءبار،
وز جەرىڭدەي كايدا بار.

ەل-ەلدىڭ ءبارى ءجاقسى،
وز ەلىڭ بارىنەن دە جاقسى.

تۋعان جەردىڭ جۋاسى دا ءتاتتى.

اركىمنىڭ ءوز جەرى — جۇماق.

ەر ەلىندە، گۇل جەرىندە.

وز ەلىندە كورتىشقان دا ءباتىر.

وز ەلىنىڭ ءيتى دە ءقادىرلى.

اۋىل ءيتىنىڭ قۇيرىعى قايقى.

وتان ءۇشىن كۇرەس —
ەرگە تيگەن ۇلەس.

كۇرتاقانداي تورعاي ءدا،
وز ۇياسىن قورعايدى.

وراعىن وتكىر بولسا،
قارىڭ تالمايدى.
وتانىڭ بەرىك بولسا،
جاۋىڭ المايدى.

وتانسىز ادام —
ورمانسىز بۇلبۇل.

پالەن جەردە التىن بار،
ىزدەپ بارسام مىس تا جوق.

تۋعان جەردىڭ قادىرىن
شەتتە جۇرسەڭ بىلەرسىڭ.

ۇيدە وڭباعان،
تۇزدە دە وڭبايدى.

ەلىنەن بەزگەن ەر بولماس،
كولىنەن بەزگەن قاز بولماس.

ساعىنعان ەلىن اڭسايدى،
سارالا قاز كولىن اڭسايدى.

ات اينالىپ قازىعىن تابار،
ەر اينالىپ ەلىن تابار.

اداسقاننىڭ ايىبى جوق،
قايتىپ ءۇيىرىن تاپقان سوڭ.

جات جەردىڭ ءقارشىعاسىنان
وز ەلىڭنىڭ قارعاسى ارتىق.

كىسى ەلىندە سۇلتان ءبولعانشا،
وز ەلىندە ۇلتان بول.

باقا كولىندە پاتشا،
بالىق سۋىندا پاتشا.
جىگىت ەلىندە پاتشا.

تۋعان جەردىڭ اۋاسى دا شيپا.
يت تويعان جەرىنە،
ەر تۋعان جەرىنە.

ەگىلمەگەن جەر جەتىم،
ەلىنەن ايىرىلعان ەر جەتىم.

وتانعا وپاسىزدىق ەتكەنىڭ،
وز تۇبىڭە ءوزىڭ جەتكەنىڭ.

ەرىنەن ايىرىلعان كومگەنشە جىلايدى،
ەلىنەن ايىرىلعان ولگەنشە جىلايدى.



评论ىزدەلۋدە......
جوبا تۋرالى | ۋيچات تەكشە | بايلانىس ورناتۋ | ەرەجە - تۇزىم | لەبىز |

توراپتىڭ بارلىق ۇقىعى جۇڭگو قازاق باسپا ءسوز سايتىنا ءتان!

copyright 2018 京ICP备14027709号-2