قازىرگى ورنىڭىز:ماقال-ماتەلدەر » تولىق مازمۇن

ادام تۋرالى

قوسىلعان ۋاقىت:2015-04-11رەداكتور:جۇمىكەنقاينارى:جۇڭگو قازاق باسپا ءسوز سايتىكورىلىمى:ىزدەلۋدە...


ادام تۋرالى

ادام دەگەن ارداقتى ات.

ادامدىقتان ۇلكەن ات جوق،
ناننان ۇلكەن اس جوق.

ادامگەرشىلىككە ارنالعان ءۇش ساۋال بار:
شولگە قۇدىق قازعان ءبىر ساۋاپ،
وزەنگە كوپىر سالعان ءبىر ساۋاپ،
جولعا اعاش ەككەن ءبىر ساۋاپ.

ەڭبەك — ادامنىڭ كوركى،
ادام زاماننىڭ كوركى.

بىرەۋ، بىرەۋگە سۇيەۋ.

ادامدى الداۋ —
ارىڭنىڭ الدىندا قىلمىس،
اعانى الداۋ —
اناڭنىڭ الدىندا قىلمىس.

تالابى جوق جاس —
قاناتى جوق قۇس.

ورمانسىز جەر — جالاڭاش،
ارمانسىز ەر — جالاڭاش.
ات اياعىنان سەمىرەر،
ادام قۇلاعىنان سەمىرەر.

ادام تاستاي بەرىك،
گۇلدەي نازىك.

ادام جۇرگەن جەرمەن ادام جۇرەدى،
بىرەۋ بىلمەگەندى بىرەۋ بىلەدى.

ادامنىڭ كۇنى اداممەن.

ادام بىر-بىرىنە قوناق.

ات جاقسىسىن ماقتا،
ادام جاقسىسىن جاقتا.

ادام قايعىسى — زامان قايعىسى.

كۇيەسىز قازان جوق،
قايعىسىز ادام جوق.

جاسىق ادام جاسىنا جەتپەي قارتايار،
اسىل ادام جاسىنا جەتپەي مارقايار.

ون ادام جۇرگەن جەردە ءىز قالادى،
ءجۇز ادام جۇرگەن جەردە — سوقپاق،
مىڭ ادام جۇرگەن جەردە جول قالادى

كىسىنى كەيدە تارشىلىق سىنايدى،
كەيدە بارشىلىق سىنايدى.

اركىمنىڭ ءوزى شىعار بيىگى بار.

ادامىنا قاراي سالەمى.

ادامنىڭ سىرتى الدامشى.

ادامعا ادام جات ەمەس.

جۇمساق اعاش قۇرتقا جەم،
جۇمساق ادام جۇرتقا جەم.

ادام بولىپ تۋعان سوڭ،
ادام بولىپ ءولۋ لازىم.

جاڭىلماس جاق بولماس،
سۇرىنبەس تۇياق بولماس.

ادام ۇيىمشىل،
مال ۇيىرشىل.

بەيتانىس كىسى —
بىتەۋ جاڭعاق.

قاعازعا ءتىل بىتىرگەن — قالام،
جانسىزعا جان بىتىرگەن — ادام.

ادام قاتەسىز بولماس،
كول باقاسىز بولماس.

ادام الاسى ىشىندە،
مال الاسى سىرتىندا.

ادام كوركى شۇبەرەك،
اعاش كوركى جاپىراق.

ادام ويعا ءتويماس،
بورى قويعا تويماس.

دۇنيەدە تاس قاتتى،
تاستان دا باس قاتتى.

ادامنىڭ ۇياتى بەتىندە،
ادامگەرشىلىگى نيەتىندە.

تەمىر سىرىن وتتا تانىتادى،
ادام سىرىن جوقتا تانىتادى.

اتاڭنىڭ بالاسى بولما،
ادامنىڭ بالاسى بول.



评论ىزدەلۋدە......
جوبا تۋرالى | ۋيچات تەكشە | بايلانىس ورناتۋ | ەرەجە - تۇزىم | لەبىز |

توراپتىڭ بارلىق ۇقىعى جۇڭگو قازاق باسپا ءسوز سايتىنا ءتان!

copyright 2018 京ICP备14027709号-2