قازىرگى ورنىڭىز:ماقال-ماتەلدەر » تولىق مازمۇن

اتا-انا مەن بالا

قوسىلعان ۋاقىت:2015-04-11رەداكتور:جۇمىكەنقاينارى:جۇڭگو قازاق باسپا ءسوز سايتىكورىلىمى:ىزدەلۋدە...


اتا-انا مەن بالا

قارعا بالاسىن اپپاعىم دەر،
كىرپى بالاسىن جۇمساعىم دەر.

بالالى ءۇيدىڭ ۇرلىعى جاتپاس.

باردى — بالاما، جوقتى — ساناما.

بەسىكسىز ۇيدە بەرەكە جوق.

بوراندى كۇنى بالا قۇتىرار،
جەلدى كۇنى ءيت قۇتىرار.

انانىڭ كوڭىلى بالادا،
بالانىڭ كوڭىلى دالادا.

اكەگە بالانىڭ الالىعى جوق.

ەركە بالا ەكى جىلار.

اعايىن — التاۋ، انا — بىرەۋ.

قۇس بالاپانى ءۇشىن تۇزاققا تۇسەدى،
ادام بالاسى ءۇشىن ازاپقا تۇسەدى.

ءبىر جاقسى قىز ەكى جامان ۇلعا تاتيدى.

قىز جوق جەردە قىزىق جوق.

استىڭ ءدامىن تۇز كەلتىرەر،
اۋىلدىڭ ءسانىن قىز كەلتىرەر.

اعايىننىڭ التىن سارايىنان
انانىڭ جىرتىق لاشىعى ارتىق.

بالالى ءۇي—بازار،
بالاسىز ءۇي — مازار.

قىز — قوناق.

بالا كوڭىلدىڭ گۇلى، كوزدىڭ نۇرى.

وگىزگە تۋعان كۇن، بۇزاۋعا دا تۋادى.

اتادان جاقسى ۇل تۋسا،
ەلىنىڭ قامىن جەيدى.
اتادان جامان ۇل تۋسا،
ەلىنىڭ مالىن جەيدى.

ون بالا ءبىر اكەگە جۇك بولمايدى،
ءبىر اكە ون بالاعا جۇك بولادى.

ۇيىڭ ءۇي-اق ەكەن، ىشىندە وينايتىن بالاسى بولسا.

ەكى قاتىننىڭ بالاسى — ەكى رۋلى ەلدەي.

جاقسى اكە جامان بالاعا قىرىق جىلدىق ريزىق.

اكە ءولىپ بالا قالسا— «مۇراتىنا جەتكەنى»،
بالا ءولىپ اكە قالسا — ارمانى ىشتە كەتكەنى.

ەنەسى تەپكەن قۇلىننىڭ ەتى اۋىرماس.

ەسەر بالادان ەركە بالا جامان.

اكەڭ ولسە دە، اكەڭدى كورگەن ولمەسىن.

قاي قولىڭدى كەسسەڭ دە، جانعا باتۋى بىردەي.

اكەسىن سىيلاماعان كىسىنى، بالاسى سىيلامايدى.

ۇل تۋعانعا — كۇن تۋار.

انانىڭ ءسۇتى — بال، بالانىڭ ءتىلى بال.

التى ۇل تۋعان انانى —
حانىم دەسە بولادى،
كەزەك سىيلاسقان اعايىندى —
جانىم دەسە بولادى.

تايدىڭ مىنگەنى بىلىنبەس.
بالانىڭ ىستەگەنى بىلىنبەس.

تاۋىقتى تويىندىرا المايسىڭ،
قىزدى كيىندىرە المايسىڭ.

جەتى اتاسىن بىلمەگەن — جەتىمدىكتىڭ بەلگىسى.

بالاعا پىشاق بەرمەسەڭ ءبىر جىلار،
پىشاق بەرسەڭ ەكى جىلار.

اتا — بايتەرەك، بالا—جاپىراق.

اتا — اسقار تاۋ،
انا — باۋرىنداعى بۇلاق،
بالا — جاعاسىنداعى قۇراق.

اتا — بالاعا سىنشى.

سەنىڭ تابانىڭا كىرگەن تىكەن مەنىڭ ماڭدايىما كىرسىن.

ۇلدىڭ ۇياتى اكەگە،
قىزدىڭ ۇياتى شەشەگە.

وسپەيتىن بالا، ونبەيتىن داۋدى داۋلايدى.

جەتكىنشەكتەن ايرىلعان، جەر تايانباي تۇرمايدى.

جىلاۋىق بولسا دا،
بالانىڭ بارى جاقسى،
باقىراۋىق بولسا دا،
تۇيەنىڭ بارى جاقسى.

بەس ساۋساق بىردەي ەمەس.

اكەسىز جەتىم — جارتى جەتىم،
شەشەسىز جەتىم — انىق جەتىم.

دۇنيەدە بال ءتاتتى،
بالا بالدان دا ءتاتتى.

ءوز ۇلىڭ وزەككە تەپسەڭ دە كەتپەس،
كىسى بالاسى كىسەندەسەڭ دە تۇرماس.

اكەنىڭ ءقادىرىن بالالى بولعاندا بىلەرسىڭ.

ەركەنىڭ كوزى كەپپەس،
جورعانىڭ تەرى كەپپەس.

بالاڭ جاقسى بولسا، جەردىڭ ءۇستى جاقسى،
بالاڭ جامان بولسا، جەردىڭ استى جاقسى.

يتپەن ويناساڭ ۇرەرسىڭ،
بالامەن ويناساڭ كۇلەرسىڭ.

بالاڭدى جۇرت ماقتاسا، بارىنەن دە سول ءسۇيىنىش.

ەكى بالانىڭ ورتاسىنداعى ءبىر شال بالا بولادى،
ەكى شالدىڭ ورتاسىنداعى ءبىر بالا دانا بولادى.

بالام — بالىم، بالانىڭ بالاسى — جانىم.

اسىعۋ بالانىڭ ءىسى،
اتتاندىرۋ — انانىڭ ءىسى.

قىزعا بەرگەن بىلىنبەس.

اناندى مەكەگە ءۇش ارقالاپ بارساڭ دا،
قارىزىنان كۇتىلا المايسىڭ.

تالاپتى بالا— تالپىنعان قۇستاي.

جورعادان تۋعان جورتاق بار،
باتىردان تۋعان قوركاق بار.

انا ءسۇتىن اقتاماعاندى ەشكىم ماقتامايدى.

جىلايىن دەگەن بالانىڭ ءۇش كۇن بۇرىن كوزى قىشيدى.

اتاسىز ۇلدىڭ اۋزى ۇلكەن.

بالانىڭ جاقسىسى ءسۇيىنىش،
جامانى — كۇيىنىش.

كۇنسىز گۇل وسپەس،
كۇتۋسىز ۇل وسپەس.

بالانىڭ بالالىعىنا اكەنىڭ دانالىعى بار.

اتاڭا نە قىلساڭ، الدىڭا سول كەلەر.

ات بولار تاي ساياققا ءۇيىر،
ادام بولار بالا قوناققا ءۇيىر.

ادام بولاتىن بالا الىسقا كارايدى .

بالانى جۇمساساڭ، ارتىنان ءوزىڭ بارارسىڭ.

اتادان ۇل كالسا، ءوزى قالعانى،
قىز قالسا، ءىزى كالعانى.

ايدىڭ ءىزىن اي باسار،
اتتىڭ ءىزىن تاي باسار.

اناسىن سۇيگەننىڭ بالاسىن ءسۇي.

كىشى بالانىڭ ۇياتىن ۇلكەن بالا كوتەرەدى.

قارعايىن دەسەم — جالعىزىم،
قارعامايىن دەسەم — جالماۋىزىم.

ەردىڭ اناسى — ەلدىڭ اناسى



评论ىزدەلۋدە......
جوبا تۋرالى | ۋيچات تەكشە | بايلانىس ورناتۋ | ەرەجە - تۇزىم | لەبىز |

توراپتىڭ بارلىق ۇقىعى جۇڭگو قازاق باسپا ءسوز سايتىنا ءتان!

copyright 2018 京ICP备14027709号-2