قازىرگى ورنىڭىز:ماقال-ماتەلدەر » تولىق مازمۇن

ۇيلەنۋ، ءۇي بولۋ

قوسىلعان ۋاقىت:2015-04-11رەداكتور:جۇمىكەنقاينارى:جۇڭگو قازاق باسپا ءسوز سايتىكورىلىمى:ىزدەلۋدە...


ۇيلەنۋ، ءۇي بولۋ

ايەل — ءۇيدىڭ كوركى،
ەركەك — ءتنزدىڭ كوركى.

قاتىنى جوق ءۇي — جەتىم.
ء
ۇيىرى باسقانى نوقتا قوسادى،
اتاسى باسقانى نەكە قوسادى.

سەميا ءسانى — سىيلاستىق،
دوستىق ءسانى — قيماستىق.

جاقسى قاتىن جارىنىڭ جاقسىسىن اسىرار،
جامانىن جاسىرار.

ەكى جارتى — ءبىر ءبۇتىن.

قىز كۇنىندە ءبارى جاقسى،
جامان قاتىن قايدان شىعادى.

ازاپسىز ماحاببات — ارزان ماحاببات.

قاتىن الساڭ وتىن ءال،
بىر قۇشاعىن ارتىق ال.

جاقسى ايەل — ىرىس،
جامان ايەل — ۇرىس.

ايەل سىرىن ايەلدەن سۇرا.

قاتىنى ولگەن مەن بايى ولگەن قوسىلسا —
كۇندىز ەكەۋ، تۇندە تورتەۋ.

ەكى قاتىن ءالىپسىڭ،
بىر پالەگە قالىپسىڭ.

سيىردى جاقسى كورسەتكەن
ارتىنداعى تاناسى،
ايەلدى جاقسى كورسەتكەن
قاسىنداعى بالاسى.

اۋىلداسىڭ جاقسى بولسا،
اعايىنىڭ نە كەرەك.
العان جارىڭ جاقسى بولسا،
ايتىڭ، تويىڭ نە كەرەك.

العانىڭ جامان بولسا — قوناعىڭ كەتەدى،
ۇلىڭ جامان بولسا — باقىتىڭ كەتەدى.

ايەل جەردەن شىققان جوق،
و دا ەركەكتىڭ بالاسى.
ەرلەر كوكتەن تۇسكەن جوق،
ايەل ونىڭ اناسى.

اتا-انادان جار جاقىن.

جان قيماق بار، جار قيماق جوق.

ەرگە جاققان ايەل، ەلگە دە جاعادى.

اياعىن كورىپ اسىن ءىش،
اناسىن كورىپ قىزىن ال.

ەردىڭ اتىن نە اتى شىعارار، نە جارى شىعارار.

سۇلۋ سۇلۋ ەمەس، سۇيگەن سۇلۋ.

قىمىزدى كىم ىشپەس،
قىزدى كىم ايتتىرماس.

كەلىننىڭ بەتىن كىم بۇرىن اشسا، سول ىستىق.

اركىم سۇيگەنىنىڭ قۇلى.

اتىڭ جەبىر بولسا، قۇدايدىڭ بەرگەنى،
قاتىنىڭ جەبىر بولسا، قۇدايدىڭ ۇرعانى.

اركىمدىكى وزىنە،
اي كورىنەر كوزىنە.
ء
ۇيىڭ جامان بولسا، كۇيىڭ جامان.

سۇيگەنىڭدى ىزدەسەڭ، جەل وڭىنان تۇرادى.

توركىنى جاقىن كەلىننىڭ توسەگى جينالماس.

كەلىن جامان ەمەس، كەلگەن جەرى جامان.

اي مىنبەي اتىڭدى ماقتاما،
جىل تۇرماي قاتىنىڭدى ماقتاما.

ورتا جولدا اتىڭ ولمەسىن.
ورتا جاستا قاتىنىڭ ولمەسىن.

تانداعان تازعا جولىعادى.
ء
بىرىنشى بايلىق — دەنساۋلىق،
ەكىنشى بايلىق — اق ءجاۋلىق،
ۇشىنشى بايلىق — ون ساۋلىق.

جامان قاتىن بايىنا
جالعىز اتىن سويعىزار،
جاقسى قاتىن جولداسىن
جوقتان قۇراپ تويعىزار.

ايەل جومارتتىق قىلعاندا، ەركەك ساراڭدىق قىلعانى ءولىم.

كارى قىز ەر تاڭدامايدى،
ولگەن ادام جەر تاڭدامايدى.

ەكى قاتىن العاننىڭ – قۇلاعى تىنباس،
ەسەككە مىنگەننىڭ – اياعى تىنباس.

ايەلدىڭ اقىلى — كوركىندە،
ەركەكتىڭ كوركى — اقىلىندا.
ء
بىلىمدى ايەل باسىڭا ءقارايدى،
بىلىمسىز ايەل جاسىڭا قارايدى.

جاقسى ايەل جامان ەركەكتى تۇزەتەدى.

بويداق جىگىت جۇرت كۇيەۋى.

جاقسى قاتىن ءجۇن قارىز الادى،
جامان قاتىن سۋ قارىز الادى.

سالاق قاتىننىڭ ۇيىنەن
ساباقتى ينە تابىلماس.

جاقسى ايەل تەڭى جوق جولداس، ءتۇبى جوق سىرلاس.

تۇيە تۇزعا كەلەدى،
كۇيەۋ قىزعا كەلەدى.

جالقاۋ قاتىننىڭ توسەگى
تال تۇسكە دەيىن جينالماس.

گۇل وسسە جەردىڭ كوركى،
قىز وسسە ەلدىڭ كوركى.

وتىز ۇلىڭ بولعانشا،
وسىراق شالىڭ بولسىن.

تەڭىن تاپسا، تەگىن بەر.

ەردىڭ اسىلى كۇشىنەن بىلىنەدى،
قاتىننىڭ اسىلى ىسىنەن بىلىنەدى.

بالانى جاستان، ايەلدى باستان.

كونە ەتىكتىگە بارماي جۇر،
كوك ەتىكتى الماي ءجۇر.

ءوزىڭ سۇيگەندى العانشا، ءوزىڭدى سۇيگەندى ال.

ۇيدى قىرىق ەركەك تولتىرا المايدى،
ءبىر ايەل تولتىرادى.

ەردىڭ جاقسىسى ەلىمەن ويلاسادى،
ايەلدىڭ جاقسىسى ەرىمەن ويلاسادى.

حان جارلىعىنان قاتىن جارلىعى كۇشتى.

ەرلى-زايىپتىنىڭ ورتاسىنا ەسى كەتكەن وتىرار.



评论ىزدەلۋدە......
جوبا تۋرالى | ۋيچات تەكشە | بايلانىس ورناتۋ | ەرەجە - تۇزىم | لەبىز |

توراپتىڭ بارلىق ۇقىعى جۇڭگو قازاق باسپا ءسوز سايتىنا ءتان!

copyright 2018 京ICP备14027709号-2