قازىرگى ورنىڭىز:ماقال-ماتەلدەر » تولىق مازمۇن

ءومىر مەن ءولىم، دەنساۋلىق پەن اۋرۋ تۋرالى

قوسىلعان ۋاقىت:2015-04-11رەداكتور:جۇمىكەنقاينارى:جۇڭگو قازاق باسپا ءسوز سايتىكورىلىمى:ىزدەلۋدە...


ءومىر مەن ءولىم، دەنساۋلىق پەن اۋرۋ تۋرالى

دەنساۋلىق — زور بايلىق.

جارلىنىڭ بايلىعى — دەنىنىڭ ساۋلىعى.

اۋرۋ اتاندى دا شوكتىرەر.

اۋرۋ كىردى — الەك كىردى.

اۋرۋ باتپانداپ كىرىپ، مىسقالداپ شىعادى.

اۋرۋ كىسى كۇلكى سۇيمەس،
اۋىر جۇكتى جىلقى سۇيمەس.

قوتىر قولدان جۇعادى،
تاز تاقيادان جۇعادى.

اۋرۋىن جاسىرعان ولەدى.

باتىر ءبىر وقتىق.

باي ءبىر جۇتتىق.

اعىن سۋدىڭ ارامدىعى جوق.

باس اۋىرسا جان قورقادى.

قاي جەرىڭ اۋىرسا،
جانىڭ سول جەرىندە.

جۇعىن بار جەردە — شىبىن بار،
شىبىن بار جەردە — شىعىن بار.

ەكى اۋرۋ ءبىر كەلسە، اجالىڭنىڭ جەتكەنى.

جان اۋىرسا — ءتان ازادى،
قايعى باسسا — جان ازادى.

ولىسپەگەن كورىسەدى.

باتىردىڭ باسى ەكەۋ بولمايدى.

ءساتىن سالعان اۋرۋعا،
نە بولسا، سول ەم بولادى.

ءتانى ساۋدىڭ جانى ساۋ.

ولىمنەن باسقانىڭ بارىنە اسىق.

قاسقىردىڭ ويلاعانى ارامدىق،
قويدىڭ ويلاعانى — اماندىق.

مىسىقتىڭ ءولىمى — تىشقانعا توي.

تاۋىپتىڭ جاقسىسى — اۋرۋعا اۋرۋ قوسپاعانى.

مىڭ ۇجماقتان — ءبىر كۇن تىرلىك.

لاستىڭ دوسى — شىبىن.

قاساپشىعا مال قايعى،
قارا ەشكىگە جان قايعى.

كوڭىل جاقسى بولعانى —
ءومىر جاقسى بولعانى.

وتپەيتىن ءومىر جوق،
سىنبايتىن تەمىر جوق.

ءولىم بايدىڭ مالىن شاشادى،
جوقتىڭ ارتىن اشادى.

وتكەن قايتىپ ورالماس،
ولگەن قايتىپ كەلمەس.

جىلاعاڭمەن ولگەن كىسى تىرىلمەيدى.

باس اماندا مال ءتاتتى،
باس اۋىرسا جان ءتاتتى.

كەبىن كيگەن كەلمەيدى،
كەبەنەك كيگەن كەلەدى.

ءولىم جايلى كوپ ايتسا،
تىرىنىڭ بەرەكەسى كەتەدى.

تۋماق باردا ولمەك بار.

وزەن اعىسىن بوگەۋگە ءبولادى،
ومىر اعىسىن بوگەۋگە بولمايدى.

بالىق جانى سۋدا.

اجال اجارعا قارامايدى.

ەمنىڭ الدى — ەڭبەك.

ارىق اتقا قامشى اۋىر.

ولىمنەن باسقانىڭ ەرتەسى جاقسى.

اۋىرىپ ەم ىزدەگەنشە،
اۋىرمايتىن جول ىزدە.

تازالىق — ساۋلىق نەگىزى،
ساۋلىق — بايلىق نەگىزى.

اۋرۋ جەلمەن كەلىپ، تەرمەن شىعادى.

سىرقات — ءتون جاراسى،
قايعى — جان جاراسى.

امان،بولسا بۇل باسىم،
تاعى شىعار بۇل شاشىم.

ازعان دەنەگە اۋرۋ ءۇيىر.

دەنىڭ ساۋ بولسا،
جارلىمىن دەمە.
جولداسىڭ كوپ بولسا،
جالعىزبىن دەمە.

قايعى قارتايتادى،
قۋانىش مارقايتادى.

ۇيقى — تىنىقتىرادى،
جۇمىس — شىنىقتىرادى.

ءومىر وزادى، اجار توزادى.

كوپ جاساپ، كۇمىس بولعانشا،
از جاساپ، التىن بول.

تىستا ۇزاق جۇرگەنىڭ —
ۇزاق ءومىر سۇرگەنىڭ.

باسى اماننىڭ مالى تۇگەل.

بىرگە تۋماق بولسا دا،
بىرگە ولمەك جوق.

تەر شىقپاعان كىسىدەن، دەرت شىقپايدى.

كوزىڭ اۋىرسا قولىندى تي،
ىشىڭ اۋىرسا تاماعىندى تي.

جورعانىڭ ءقادىرىن جەلگەندە بىلەدى،
جاقسىنىڭ ءقادىرىن ولگەندە بىلەدى.

ءتىسى اۋىرعاننىڭ كوڭىلىن سۇرامايدى.

اۋرۋدىڭ جاقسىسى جوق،
دەرىنىڭ ءتاتتىسى جوق.

ءولىم دەگەن — ۇزاق جولدىڭ الىسى.

ارىماق، سەمىرمەك كوڭىلدەپ.



评论ىزدەلۋدە......
جوبا تۋرالى | ۋيچات تەكشە | بايلانىس ورناتۋ | ەرەجە - تۇزىم | لەبىز |

توراپتىڭ بارلىق ۇقىعى جۇڭگو قازاق باسپا ءسوز سايتىنا ءتان!

copyright 2018 京ICP备14027709号-2