قازىرگى ورنىڭىز:ماقال-ماتەلدەر » تولىق مازمۇن

جالعىزدىق، سۇيەنىش، كومەك

قوسىلعان ۋاقىت:2015-04-11رەداكتور:جۇمىكەنقاينارى:جۇڭگو قازاق باسپا ءسوز سايتىكورىلىمى:ىزدەلۋدە...


جالعىزدىق، سۇيەنىش، كومەك

جالعىزعا ۇجماق تا جاراسپايدى.

جالعىز اعاشتى جاعۋ قيىن،
جالعىز بالانى باعۋ قيىن.

جالعىز تەرى تون بولماس،
جالعىزدىڭ ءسوزى وڭ بولماس.

جالعىز باتىر جاۋعا جوق،
جالعىز جىگىت داۋعا جوق.

ەكى باس، ەكى باسقا مالتا دا اس.

جاقسى ات جانعا سەرىك،
جاقسى يت مالعا سەرىك.

جالعىز ءۇيدىڭ تاماعى جەتسە دە، تاباعى جەتپەس.

قانشا جۋان بولسا دا
جالعىز اعاش ءۇي بولماس،
قانشا جاقسى بولسا دا،
جالعىز جىگىت بي بولماس.

ەر قاناتى — ات.

جاقسى يت — يەسىنىڭ كوز-قۇلاعى.

جالعىز قازدىڭ ءۇنى شىقپاس،
جالعىز قىزدىڭ مۇڭى شىقپاس.

جالعىز ءيتتىڭ ۇرگەنى بىلىنبەس،
جالعىز كىسىنىڭ جۇرگەنى بىلىنبەس.

جالعىز اعاش ورمان بولماس،
جالعىز كىرپىش كورعان بولماس.

جالعىز كىسى جاۋىنگەر ەمەس.

جاياۋدىڭ شاڭى شىقپاس.

جالعىز اعاش پانا بولماس،
جالعىز بيە سابا بولماس.

جالعىز تۇيە باقىراۋىق،
جالعىز بالا جىلاۋىق.

ءبىر قارلىعاش كەلگەنمەن جاز ءبولمايدى،
ءبىر ساۋىسقان كەلگەنمەن قىس بولمايدى.

ۇيىرىنەن ايرىلعان مالدى قاسقىر جەيدى.

يت — ادامنىڭ قۇلاعى.

اعاسى باردىڭ جاعاسى بار،
ءىنىسى باردىڭ تىنىسى بار.

جەلگەن اتقا جەل جاڭعىرىق.

قۇداي جالعىز، مەن جالعىز.

سۇيەۋشىسى بار بولسا، سۇيەك جۇتسا دا قاقالمايدى.

ءوز قوتىرىمدى وزىمە قاسىتتى.

«ايت-شۋ» دەگەن اتانعا دەمەۋ،
«اۋپ» دەگەن ەرگە دەمەۋ.

جالعىز شاپقان ات جۇيرىك.

جارلى بولار جىگىت بايتالىن اتقا ايىرباستايدى،
جالعىز بولار جىگىت اعايىنىن جاتقا ايىرباستايدى.

ساياق جۇرسەڭ تاياق جەرسىڭ.

جاياۋدىڭ ءجۇرىسى ونبەيدى،
جالعىزدىڭ ءبىر ءىسى ونبەيدى.

جاناشىرى جوق ادام
جال-قۇيرىقسىز اتپەن تەڭ.

سىيىنعانىڭنان سۇيەنگەنىڭ كۇشتى بولسىن.



评论ىزدەلۋدە......
جوبا تۋرالى | ۋيچات تەكشە | بايلانىس ورناتۋ | ەرەجە - تۇزىم | لەبىز |

توراپتىڭ بارلىق ۇقىعى جۇڭگو قازاق باسپا ءسوز سايتىنا ءتان!

copyright 2018 京ICP备14027709号-2