قازىرگى ورنىڭىز:كەڭەس » تولىق مازمۇن

ارمانى كوپ ادامنىڭ سىلتاۋى از

قوسىلعان ۋاقىت:2017-02-02رەداكتور:جۇمىكەنقاينارى:جۇڭگو قازاق باسپا ءسوز سايتىكورىلىمى:ىزدەلۋدە...



ءوز ارمانىڭىز جوق بولسا، وزگەلەردىڭ ماقساتىن ورىنداۋىنا قولجاۋلىق بولاسىز. بۇل سىزگە كەرەك پە؟ ول ءوز ىرقىڭىزدا.

قاي جەردە جۇمىس ىستەيمىن، قالاي وقيمىن دەسەڭىز دە، ەرىك وزىڭىزدە. قانداي باعا الاتىنىڭىز بەن ديپلومىڭىزدىڭ ءتۇسى دە وزىڭىزگە عانا بايلانىستى. جۇمىسىڭىز - تاڭداۋىڭىز، تۇرعىلىقتى جەرىڭىز - قالاۋىڭىز. ءوز باعىتىڭىزدىڭ ىرگەتاسىن ءوزىڭىز عانا قالايسىز. جەڭىلدىڭ ۇستىمەن، اۋىردىڭ استىمەن ءجۇرۋ الدە اۋىردىڭ ۇستىمەن، جەڭىلدىڭ استىمەن ءجۇرۋ - بۇل دا ءوز ەركىڭىز.

سىزگە شەكتەۋ قوياتىن كىم؟ ءوزىڭىز. ءوز وزىڭىزگە شەكارا قويىپ الىپ، شىرمالىپ شىعا الماي جۇرەسىز. شىرعالاڭ وي ءوز باسىڭىزدا عانا ءومىر سۇرەدى. كەڭىستىكتى بۇزا ءبىلىڭىز.

نار تاۋەكەلگە قالقان قوياتىن كىم؟ ول دا ءوزىڭىز. شىعار شىڭىڭىزدى دا شەكتەپ الىپ، بيىككە قول سوزۋعا قۇلقىڭىز بولماسا، الىنباعان اسۋلار ءۇشىن كىمگە وكپەلەيسىز؟

ءوزىڭىزدى قالاي دامىتىپ، جەتىلدىرۋدى بىلەسىز. قاي ىسكە باسا ءمان بەرۋ كەرەك، ال نە نارسەگە كوڭىل ءبولۋدىڭ قاجەتى جوق. مۇنى دا ءوزىڭىز شەشەسىز.

كىم جونىندە قانداي وي تۇيەتىنىڭىزدى دە، نەندەي پىكىر بىلدىرەتىنىڭىزدى دە ءسىز ءۇشىن ەشكىم شەشپەيدى.

ءار كۇندە، ءار ساتتە دۇرىس تاڭداۋ جاساڭىز. ومىرىڭىزگە وزىڭىزدەن وزگە ەشبىرى جاۋاپتى ەمەس. ارمانى كوپ ادامنىڭ سىلتاۋى از بولار.

دەرەككوز:ماسساگەت پورتالى


评论ىزدەلۋدە......
جوبا تۋرالى | ۋيچات تەكشە | بايلانىس ورناتۋ | ەرەجە - تۇزىم | لەبىز |

توراپتىڭ بارلىق ۇقىعى جۇڭگو قازاق باسپا ءسوز سايتىنا ءتان!

copyright 2018 京ICP备14027709号-2