قازىرگى ورنىڭىز:كەڭەس » تولىق مازمۇن

دوستىققا قۇمارتىپ ءجۇرسىز بە؟ كىممەن دوس بولعاندى ءجون سانايسىز؟

قوسىلعان ۋاقىت:2017-02-02رەداكتور:جۇمىكەنقاينارى:جۇڭگو قازاق باسپا ءسوز سايتىكورىلىمى:ىزدەلۋدە...



وتكەننەن كەيىن قادىرىن بىلە باستايمىز. دوستىق ۇعىمى ءۇي تاپسىرماسىن كوشىرىپ الۋ، ساباق بارىسىندا كومەكتەسۋ سىندى ءىس-ارەكەتپەن ولشەنبەيدى.

مەكتەپ قابىرعاسىندا قىزدار بولەك، ۇلدار بولەك توپتاسىپ جۇرەتىنى بەلگىلى. عالىمداردىڭ ايتۋى بويىنشا بىرنەشە ادامنان قۇرالعان جەردە دوستىقتىڭ قۇندىلىعى وتە جوعارى بولمايدى. ونداي دوستىقتار سىيلاستىقپەن عانا جۇزەگە اسادى. كەرىسىنشە، ەكى ادامنان قۇرالعان دوستىقتىڭ عۇمىرى ۇزاق بولادى. قىزداردىڭ قۇربىسى بولاتىنى بەلگىلى. ءدال سولاي، جىگىتتەردە دە اقىلشى دوس بولادى. ال ەندى قىز بەن جىگىتتىڭ اراسىنداعى شىنايى دوستىق وتە سيرەك كەزدەسەدى.

قىزدار ءۇشىن دوسىنىڭ ەر بالا بولعانىنىڭ قانشالىقتى ماڭىزى بار؟

ەر بالامەن دوس بولۋدىڭ ارتىقشىلىقتارى وتە كوپ. سايكەسىنشە، كەمشىلىكتەرى دە از ەمەس. ەر بالالار سىرعا بەرىك بولادى. كوپ جاعدايدا پسيحولوگيالىق زەرتتەۋلەردىڭ ناتيجەسى بويىنشا، جىگىتتەر قاۋىمى ۇساق-تۇيەك دۇنيەلەرگە ءمان بەرمەيدى. دوسىڭىزدان بۇل قاسيەتتى مەڭگەرگەننىڭ پايداسى زور. ۇساق-تۇيەكپەن باس قاتىرمايسىز. وعان قوسا جىگىتتەر قاۋىمى كوپ ويلانىپ جاتقاندى ءجون كورمەيدى.

تاۋەكەلشىل كەلەدى. بۇل قاسيەتتىڭ دە پايداسى زور. ولار قىرسىعىپ، رەنجىپ قالۋعا تىم اۋەس بولمايتىنىن دا ەسكەرە كەتۋ كەرەك. جىگىتتەر كوپ سويلەۋدى ءجون كورمەيدى. كوپ نارسەنى ءىس-ارەكەت ناتيجەسىندە جۇزەگە اسىرادى. اتالعانداردىڭ كوپشىلىگى ارتىقشىلىقتارى بولىپ ەسەپتەلەدى. ال ەندى كەمشىلىگى قانداي؟

ەر بالامەن دوس بولعان قىزداردىڭ كوپشىلىگى قاتالداۋ بولىپ كەلەدى. نازىكتىكتىڭ بىرتىندەپ جوعالاتىنىن ءوزىمىز دە اڭعارماي قالامىز. ءبىرىڭعاي جىگىتتەرمەن جۇرەتىن قىزداردىڭ ءتارتىبى دە اسا كەرەمەت بولمايدى. قانشا دەگەنمەن دە، سويلەۋ مانەرى، ءىس-ارەكەت فاكتورلارى اسەر ەتەدى. سوندىقتان، جىگىتتەرمەن دە، قىزدارمەن دە قاتارلاسا دوس بولعان دۇرىس. ءوزىڭىزدى جان-جاقتى دامىتىپ، ءبىرقالىپتى ۇستاپ تۇرا الاسىز.

جىگىتتەر ءۇشىن دوسىنىڭ قىز بالا بولعانىنىڭ قانداي ەرەكشەلىكتەرى بار؟

قىز بالا قۇربىڭ بولسا، قىزداردىڭ پسيحولوگياسىنان سەنىمدى اقىلشىڭىز بولادى. كوپ جاعدايدا كيىم تاڭداۋ ماسەلەسىندە دە قىزداردىڭ تالعامىنا جۇگىنگەن ورىندى. ولاردىڭ ءسان ۇلگىسىنە دەگەن كوزقاراسى جىگىتتەردىكىنە قاراعاندا جاقسى بولاتىنى بەلگىلى. ولار ءسىز بايقاماي كەتەتىن ۇساق دۇنيەلەردى تەز اڭعارادى. دەگەنمەن، ۇساقشىل بولىپ كەتۋدەن ساقتانىڭىز. جىگىتتەرگە جاراسپايتىن قىلىق ەكەنىن ەستەن شىعارماڭىز. ءبىرىڭعاي قىزدارمەن ءجۇرۋدىڭ، دوستاسۋدىڭ پايداسىنان زيانى كوپ. ءبىر-ەكى قۇربىڭىز بولسا جەتكىلىكتى.
قىز بەن جىگىت اراسىنداعى دوستىقتا شەكارا بولعانى دۇرىس. جاراتىلىستىڭ ءوزى بىرەۋىنە وڭ جاقپەن ويلاۋدى بەرسە، بىرەۋى سول جاقپەن ويلايدى. دوستىق ۇعىمىندا بۇل فاكتورلار قاتتى اسەر ەتسە، ماحابباتقا ۇلاسىپ كەتۋى مۇمكىن.
بۇل - دالەلدەنگەن قۇبىلىس. سوندىقتان، دوستىققا ادال بولايىق!

دەرەككوز:ماسساگەت پورتالى


评论ىزدەلۋدە......
جوبا تۋرالى | ۋيچات تەكشە | بايلانىس ورناتۋ | ەرەجە - تۇزىم | لەبىز |

توراپتىڭ بارلىق ۇقىعى جۇڭگو قازاق باسپا ءسوز سايتىنا ءتان!

copyright 2018 京ICP备14027709号-2