قازىرگى ورنىڭىز:باتالار جيناعى » تولىق مازمۇن

جاڭا جىلعا اق تىلەك

قوسىلعان ۋاقىت:2015-04-12رەداكتور:جۇمىكەنقاينارى:جۇڭگو قازاق باسپا ءسوز سايتىكورىلىمى:ىزدەلۋدە...


جاڭا جىل! جاڭا كۇن! جاڭا ءومىر! بۇل كۇن بولمىستاعى بوياۋدىڭ بارلىعىن ۇمىتتەن، قۋانىشتان، ماحابباتتان الىپ، اينالاعا نۇر بولىپ شاشىلىپ، ءار شاڭىراققا شۋاق بولىپ تارايدى. قاي-قايسىمىز بولساق تا وسى مەرەكەلىك كەشتەن كەلەسى جاڭا جىلعا دەيىن جۇرەگىمىزگە ەستە قالاتىنداي ءبىر سەزىمدى سەبەلەيمىز، ول سەزىم ءبىزدى كەلەسى جىلعا دەيىن ۇمىتپەن جەتەلەپ وتىرادى. جاڭا جىل ءاربىر شاڭىراققا قۇت، بەرەكە، ىرىس الىپ كەلسىن!

ەسكى جىلدىڭ قايعى-مۇڭىن، وكپە-نازدىڭ بارلىعىن ارتقا تاستاپ، كىرىپ كەلە جاتقان جاڭا جىلدى كوتەرىڭكى كوڭىل-كۇيمەن، تازا، تىڭ ويلارمەن قارسى الۋ كەرەك. ءاربىر كىرگەن جاڭا جىلدىڭ ءوزىنىڭ دايىنداپ وتىرعان قۋانىشى، باقىتى، سىيى بولادى. دوستار، ءبىز دە وكپە-نازىمىزدى، وكىنىش-مۇڭىمىزدى، قيىندىق سەزىنگەن ساتتەرىمىزدى ءبىر ءسات ەستەن شىعارىپ، ەسكى جىلعا قالدىرىپ، جاڭا جىل تابالدىرىعىن ماحابباتپەن، مەيىرىممەن اتتايىق، ءبىزدى الدا تەك قانا قۋانىش پەن باقىت كۇتىپ تۇر دەپ سەنەيىك. جاڭا جىلدا ۇيلەرىڭىز نۇرعا، قۇشاقتارىڭىز گۇلگە تولسىن!

دوستار، ءيلايىم جاڭا جىل بارلىعىڭا تەك قانا جاڭا قۋانىش، جاڭا باقىت، جاڭا تابىس الىپ كەلسىن! ورتامىز ويسىراماي، اللا تاعالا جىلدان جىلعا امان-ەسەن جەتكىزە بەرسىن! بارىڭە مىقتى دەنساۋلىق، بەرەكەلى بايلىق تىلەپ، جاڭا باستاعان ىستەرىڭ وڭىنان شەشىلىپ، سوڭىنان تويلاپ جۇرە بەرىڭدەر دەمەكپىن! جاڭا جىل قۇتتى بولسىن!

جاڭا جىل سىزدەر ءۇشىن زور جەتىستىكتەرگە قول جەتەتىن، وي-ماقساتتار جۇزەگە اساتىن، ارمان-ۇمىتتەر اقتالاتىن جىل بولسىن. سىزدەرگە زور دەنساۋلىق، مولشىلىق پەن باقىت تىلەيمىن.
كەلدى، مىنە، جاڭا جىل ورتامىزعا،
قۇت-بەرەكە اكەلسىن بارشاڭىزعا.
اڭساعان ارمانىڭىز ورىندالىپ،
ءومىرىڭىز باقىت پەن تولسىن نۇرعا.

جاڭا جىل قۇتتى بولسىن! باق-بەرەكە، مول ىرىس-داۋلەت اكەلسىن! ەرتەگىگە ەلىتەر وسى عاجايىپ كەزەڭدە بارلىق اسىل ارماندارىڭىز ورىندالسىن! جاڭا جىل ءتۇنى ءوزىنىڭ سيقىرلى اسەرىمەن ءسىزدى قۋانىشقا بولەپ، الداعى جىلىڭىزعا شات-شادىمان ساتتەر، جاڭا مۇمكىندىكتەر سىيلاسىن!

جاڭا جىل-جاڭا ۇمىتتەر مەن جاڭا جوسپارلار. سىزدەرگە جاڭا جەتىستىكتەر مەن كاسىبي تابىستار تىلەيمىن. بۇل جىل جاقسى وزگەرىستەرگە، قۋانىشتى كەزدەسۋلەرگە، باقىتتى وقيعالارعا تولى بولسىن. جاڭا جىل ءاربىر شاڭىراققا بەيبىت ءومىر، تىنىشتىق جانە مول جاقسىلىقتار اكەلسىن.

جاڭا جىل قۇتتى بولسىن! ادام بالاسى جاڭا جىلدان كوپ جاقسىلىق كۇتەدى، جاڭا جىلعا كوپ ءۇمىت ارتادى. ارماندارىڭىز بەن تىلەكتەرىڭىزگە قوسىلىپ، ءبىز سىزگە الداعى جىلدا دەنساۋلىعىڭىز مىقتى، باقىتىڭىز ۇستەم بولىپ، كۇش-قۋاتىڭىز تاۋسىلماسىن، قاناتىڭىز تالماسىن دەپ تىلەيمىز. وتكەنگە ريزا بولىپ، جاڭا جىلعا ءبارىمىز تازا نيەتپەن، نىق قاداممەن اتتايىق. جاڭا جىلعا ەلمەن بىرگە جاڭا تابىستارعا جەتە بەرەيىك!

ءسىزدى كەلە جاتقان جاڭا 2015 -جىلمەن كىرشىكسىز كوڭىل، ىستىق ىقىلاسپەن قۇتتىقتايمىن. جاڭا جىل-قاشاندا ءار ادامنىڭ جۇرەگىنە جاڭا ۇمىتتەر مەن اپپاق ارماندار ۇيالاتاتىن، عاجايىپ قيالدارعا قول سوزدىراتىن ەڭ سۇيىكتى مەرەكەمىز. بارشا ادامزات بۇل كۇنى وتكەندى وي ەلەگىنەن وتكىزىپ، سارالاپ، جاڭا جىلعا تازا نيەتپەن، بولاشاققا دەگەن مول سەنىممەن، نىق قاداممەن اتتاعاندى قالايدى. كەلەر جىلدا وتباسىڭىزعا قۇت-بەرەكە، قىزمەتىڭىزگە ورلەۋ تىلەيمىن. دەنساۋلىعىڭىز كۇيلى-قۋاتتى، باقىتىڭىز باياندى، كوڭىل-كۇيىڭىز تاماشا بولسىن. الداعى جىل ءسىزدى تەك وڭ وزگەرىستەرىمەن، ۇمىتىلماس ساتتەرىمەن، قىزىقتى كەزدەسۋلەرىمەن قۋانتسىن. ورتاق شاڭىراعىمىزدىڭ جارقىن كەلەشەگى ءۇشىن ەڭبەكتەنىپ جۇرگەن بارشا حالقىمىزعا بەيبىت ءومىر، تىنىشتىق، مول جاقسىلىق تىلەيمىن.

جاڭا جىل بارشاڭىزعا باقىتتى بولاشاققا ءۇمىت، جاڭا مۇمكىندىكتەرگە سەنىم ۇيالاتىپ، جەمىستى باستامالارعا جارقىن كەلەشەك سىيلايدى. وسى جاڭا جىل كۇتكەنىمىزدى اقتاپ، بارلىعىمىزعا بەيبىتشىلىك، اماندىق جانە وركەندىك اكەلسىن. سىزگە جانە ءسىزدىڭ جاقىندارىڭىزعا مىقتى دەنساۋلىق، تاۋسىلماس قۋات، شىعارماشىلىق تابىستار مەن ساتتىلىك تىلەۋگە رۇقسات ەتىڭىز.

ءسىزدى جاڭا 2015-جىلىڭىزبەن شىن جۇرەكتەن قۇتتىقتايمىز. بارشامىز جاڭا 2015-جىلمەن بىرگە ىزگى جاڭالىقتاردىڭ كەلۋىن كۇتەمىز. كەلەر جاڭا 2015-جىل ءسىزدىڭ بارلىق ىستەرىڭىز بەن باستامالارىڭىزعا اق جول اشىپ، مول تابىستار الا كەلسىن، جەتىستىكتەرگە تولى بولسىن. سىزگە زور دەنساۋلىق، قۋانىش پەن شاتتىققا تولى ۇزاق عۇمىر، وتباسىڭىزعا باق-بەرەكە، اشىق اسپان، شۋاقتى كۇندەر تىلەيمىز.

جاڭا 2015-جىل! جاڭا كۇن! جاڭا ءومىر! بۇل كۇن بولمىستاعى بوياۋدىڭ بارلىعىن ۇمىتتەن، قۋانىشتان، ماحابباتتان الىپ، اينالاعا نۇر بولىپ شاشىلادى، وسى شاشىلعان نۇر ءاربىرىمىزدىڭ شاڭىراعىمىزعا شۋاق بولىپ تۋادى. قاي-قايسىمىز بولساقتا وسى مەرەكەلىك كەشتەن كەلەسى جاڭا 2015-جىلعا دەيىن جۇرەگىمىزگە ەستە قالاتىنداي ءبىر سەزىمدى سەبەلەيمىز، ول سەزىم ءبىزدى كەلەسى جىلعا دەيىن ۇمىتپەن جەتەلەپ وتىرادى. جاڭا 2015-جىل ءاربىر شاڭىراققا قۇت، بەرەكە، ىرىس الىپ كەلسىن!



评论ىزدەلۋدە......
جوبا تۋرالى | ۋيچات تەكشە | بايلانىس ورناتۋ | ەرەجە - تۇزىم | لەبىز |

توراپتىڭ بارلىق ۇقىعى جۇڭگو قازاق باسپا ءسوز سايتىنا ءتان!

copyright 2018 京ICP备14027709号-2