قازىرگى ورنىڭىز:باتالار جيناعى » تولىق مازمۇن

ناۋرىز باتالارى

قوسىلعان ۋاقىت:2015-06-06رەداكتور:جۇمىكەنقاينارى:جۇڭگو قازاق باسپا ءسوز سايتىكورىلىمى:ىزدەلۋدە...


ناۋرىز باتالارى


ناۋرىز كەلىپ قار كەتتى،
اق قار، كوك مۇز جۇتاتقان
شارۋا ەلىنەن زار كەتتى.
ناۋرىز كەلىپ جاز كىردى،
جاز پەرىشتە «از» كىردى
كۇنەسكە توسىپ ارقاسىن،
جان بىتكەنگە ناز كىردى.
ارىق-تۇراق تورت تۇلىك،
كوك جەپ جاپا-تارماعاي
قابىرعا جاپپاي قالماعاي.
كوتەرەمنىڭ تورت بۇتى،
ەربەگەي دە سەربەگەي
ەندى شىعىن بەرمەگەي.
بىزگە كەلگەن بالەكەت -
قارمەن بىرگە قاڭعىرىپ،
تاۋدان ارى ورلەگەي،
مۇسىلمان بەتىن كورمەگەي.
 
جاراپازان باتاسى
قوناقتاسىن بەرەكەت،
قاشا بەرسىن پالەكەت.
قيىن دەيدى قيامەت،
جاقىن دەيدى اقىرەت.
اقىرەتكە بارعاندا،
قىل كوپىردەن امان وت!
 
مىنە، باتا، اق نيەت،
بولا بەرسىن بەرەكەت.
قيىن دەيدى قيامەت،
جاقىن دەيدى اقىرەت،
قۇلشىلىق قىل اللاعا،
قىل كوپىردەن تايماي وت.
كىرسىن داۋلەت،
شىقسىن بەينەت.
اللا اتىمەن بەينەت ەت.
جوق-جىتىككە راقىم ەت.
تاڭىر سەنى قولداسىن،
ۋايىم-قايعى بولماسىن.
قابىل بولسىن ورازاڭ،
اۋلەتىڭدى وڭداسىن!
 
*****                                                مۇزافار الىمبايەۆ
قارىق قىپ قۇتتى ناۋرىز،
قازانعا تولسىن سارى ۋىز.
قايناسىن ناۋرىز كوجە دە،
تولتىرىپ ىشكەي كەزەڭە.
ۇلىستىڭ  ۇلى كۇنىندە،
كوپپەنەن بىرگە كۇلىمدە.
كوبەيسىن جاڭا دوستارىڭ،
مولايسىن ەلگە قوسقانىڭ.
جاراسىپ كوڭىل حوشتىعى،
بەكىسىن حالىق دوستىعى.
ىشىندە جۇرسە ازعانا،
شايىلسىن وكپە، ناز-نالا.
الدىعا سىيماي سابيلەر،
قۇشاعىن جايسىن جاڭا ۇيلەر.
جاستاردىڭ سامساپ وتاۋى،
مەيىرىم توكسىن وتانى.
اسپەتتەپ اتا داستۇرىن،
اسەم بوپ وسسىن جاس بۋىن.
كىربىڭ تارتپاسىن كارىلەر،
بارىڭنىڭ دامدى نارىن بەر!
دۇرلەگەن قازاقستانعا
تاڭعالسىن دوس تا، دۇشپان دا!
******
                                                              اسانالى اشىموۆ
ۇلىس كۇنى قۇتتى بولسىن،
اق كەتپەسىن تاڭدايدان!
ەل ىرگەسى مىقتى بولسىن،
باق كەتپەسىن ماڭدايدان!
اللاھۋ اكپار!
******
                                                               ورازاقىن اسقار
نيەتتەرىڭ اق بولسىن،
ناۋرىزدىڭ اقشا قارىنداي.
باستارىڭا باق قونسىن،
شاشىڭنىڭ بارلىق تالىنداي.
ساناسى وسىپ ادامنىڭ،
كوڭىلدە كىر قالماسىن.
قۇتى قاشىپ جاماننىڭ،
جاقسى تاپسىن جالعاسىن.                                                            
تىنىش بولسىن دالامىز،
تۇگەل بولسىن نۋىمىز.
تازا بولسىن اۋامىز،
تۇنىق بولسىن سۋىمىز.
قاتىگەزدىك جوق بولسىن،
ورالماسىن كەز وگەي.
كىرىسىمىز كوپ بولسىن،
بۇگىنگى ناۋرىز كوجەدەي.
اللاھۋ اكپار!
*****
ۇلىس كۇنى قازان تولسا،
ول جىلى اق مول بولار.
ۇلى كىسىدەن باتا السا،
سوندا ولجالى جىل بولار.
*****
ۇلىس وڭ بولسىن،
اق مول بولسىن.
قايدا بارسا جول بولسىن!
ۇلىس باقتى بولسىن،
تورت تۇلىك اقتى بولسىن!
ۇلىس بەرەكە بەرسىن،
بالى-جالا جەرگە ەنسىن!
******
جاڭا جىل باقىت جىلى بولسىن،
مالىڭ توق،
ۋايىم-قايعى جوق بولسىن.
كوگەن تولى قوزى،
جەلى تولى قۇلىن بولسىن.
مالىڭ بازارلى،
ۇلىڭ نازارلى،
قىزىڭ اجارلى بولسىن!
******
اۋەلى، قۇداي وڭداي كور،
وڭ جولىنا باستاي كور،
اداسسا جولعا سالا كور،
سۇرىنسە قولدان الا كور!
كەزدەسسە شايتان قاعا كور!
جۇلدىزدارمەن جالعاستىر،
جاقسىلارمەن جاناستىر،
جامانداردان اداستىر!
*****
باي قىلسىن،
تورت تۇلىك ساي قىلسىن،
كەتپەس داۋلەت بەرسىن،
وتاۋىڭا ساۋلەت بەرسىن.
باستارىڭا باقىت قونسىن،
قاستارىڭا نوكەر تولسىن.
دۇشپاندارىڭ جوق بولسىن.
كورە الماعان قاسكويدىڭ،
ىشى كۇيىپ شوق بولسىن.
ريزىق، ناسىبىڭ تاسىپ،
كوڭىلدەرىڭ توق بولسىن.
تۋعان بالالارىڭ ەر جەتىپ،
وسىپ ۇلكەن ەل بولسىن،
باقتالاسىڭ كەم بولسىن.
داۋلەتىڭ شالقىپ، سەل بولسىن،
داستارقانىڭ كەڭ بولسىن!


评论ىزدەلۋدە......
جوبا تۋرالى | ۋيچات تەكشە | بايلانىس ورناتۋ | ەرەجە - تۇزىم | لەبىز |

توراپتىڭ بارلىق ۇقىعى جۇڭگو قازاق باسپا ءسوز سايتىنا ءتان!

copyright 2018 京ICP备14027709号-2