قازىرگى ورنىڭىز:حيسا-داستان » تولىق مازمۇن

ءابدىعۇ ۇمار باتىر

قوسىلعان ۋاقىت:2015-04-12رەداكتور:جۇمىكەنقاينارى:جۇڭگو قازاق باسپا ءسوز سايتىكورىلىمى:ىزدەلۋدە...


نۇربولات توقتارقان ۇلى

ءابدىعۇ ۇمار باتىر
(دەرەكتى داستان)

تۇنەرىپ بۇلىت ۇيىرسەم ويلارىما ،
قيالدىڭ تولقىنى ۇرار قايداعىعا .
ەرىكىسز جانارىڭا جاس كەلەدى ،
كوز سالساڭ وسى ولكەنىڭ ايماعىنا .
تاريح تاڭبالارىن جاسىرعان جوق ،
قاراساڭ شىڭدا تۇرىپ سايداعىعا .
باياعى تەڭدىگى جوق وتكەن كۇندە ،
جەتىم جىلاپ ، شالقىعان بايلارىدا .
ءبولىنىپ بوز ىنگەننەن سول زاماندا ،
زار يلەپ بوزداماپپا ەت تايلاعىدا .
اققۋدا ايدىننان ايىرىلىپ ،
باسىنان باقىتتى كۇن تايمادىما.؟
قايىران ەل ەسى كەتىپ شۋلاماپپا ەد،
ۇلارداي ورالا الماي ويناعىنا .
توزە الماي جاۋىزدىقتىڭ ويىرانىنا ،
ءداۋىردىڭ شىقتى ادىلەت مايدانىنا .
ال قازىر ەلىم تىنش تەڭدىك الىپ ،
بوزتورعاي ۇيا سالدى قويلارىما .
ەڭ بەرگىسىن ايتقاندا قىزىڭ مونشاق ،
ۇلىڭدا ۇكى تاقتى ايدارىنا .
بابالاردىڭ قاننىڭ بوداۋىنا ،
ءبىز قوندىق باقىتتى ءومىردىڭ ءجايلاۋىنا .
تۋىلىپ ءادىل پاتشا ەل باعىنا ،
اڭساعان جەتتى حالىق ارمانىنا .
تالپىنىپ دۇنيەنىڭ تالعارىنا ،
قول سوزدىق جەردە تۇرىپ ايداعىعا .

جىرلاساق شابان ويدى ءتىل قامشىلار ،
بۇل كەڭەس ەستىلمەگەن تىڭنان شىعار .
تالاي باتىر ۇلىت ءدىنى، ۇرپاق ءۇشىن ،
تۋ الىپ تۇلپارىنا مىنگەن شىعار .
وسى ءبىر ءومىر دەيتىن قان مايداندا ،
ءبىرى جىلاپ بىرەۋى كۇلگەن شىعار .
ال ەستيىك ابەڭنىڭ اڭگىمەسىن ،
قۇلاق سال كەڭەسىىمە تىڭداۋشىلار.

ءوتتى تالاي تارعالاڭ تاسىر زامان ،
تاريح ول تاڭباسىن جاسىرماعان .
ءبىر جورىقتا قولدى بوپ قۇتىلعانىن ،
ايتىپ ەت ءابدىعۇمار باتىر بابام .
بۇل كۇندە جەتپىس جاستان اتتاپ ءوتىپ ،
سەكسەننىڭ سەڭگىرىنە جاقىنداعان .
قايىراتى قايىتپاپ ەدى قارتايسادا ،
ارقان ساپ بەستى اساۋدى تاقىمداعان .
تاۋ تۇلعا، جارتاس قاباق قاتۋلى ادام ،
جانارى ءجاي وتىنداي لاپىلداعان .
ءبىر جولى سالەم بەرە بارعانىمدا ،
ءبىر تالاي ايتىپ ەدى اقىل ماعان .

ءتاتتى تاتساڭ ۇمىتپا اشتىنى دەپ ،
اشتىقتىڭدا جاتادى توقتىعى بوپ .
ار- نامستى ەر بولساڭ وتتى جۇرەك ،
دەپ ەدى ەلىڭ ءۇشىن جاقسىلىق ەد .
ەلەسىن وتكەن كۇننىڭ ۇمىتاما دەپ ،
ءبىر ەمەس ءۇش قايتارا تاپسىرىپ ەد .
ءومىردىڭ سەن بىلمەيتىن ءتىلسىمى كوپ ،
دەپ ەدى جانىڭ ءۇشىن تىرشىلىك ەت .
ەز بولساڭ ەسەڭ كەتەر جاۋىزدارعا ،
نە كەرەك وتسە ءومىرىڭ كۇلكىلى بوپ .
جوقشىلىق جومارت ەردىڭ قولىن بايلاپ ،
تارىلىپ تالىس كەۋدە كۇرسىنبەك.
ەر داۋى، جەر داۋى بوپ مۇڭعۇل مەنەن ،
قوبدادان قۋىپ ەدىك جىلقىنى كوپ .
جالاڭاش جاۋدا قالىپ اتقا وق ءتيىپ .
جانىمىز تالاي- تالاي تۇرشگىپ ەد.

جالعاسى بار ………..



评论ىزدەلۋدە......
جوبا تۋرالى | ۋيچات تەكشە | بايلانىس ورناتۋ | ەرەجە - تۇزىم | لەبىز |

توراپتىڭ بارلىق ۇقىعى جۇڭگو قازاق باسپا ءسوز سايتىنا ءتان!

copyright 2018 京ICP备14027709号-2