قازىرگى ورنىڭىز:باتالار جيناعى » تولىق مازمۇن

باتاسىز قول ارىماس ، باتاسىز ۇل جارىماس

قوسىلعان ۋاقىت:2015-04-12رەداكتور:جۇمىكەنقاينارى:جۇڭگو قازاق باسپا ءسوز سايتىكورىلىمى:ىزدەلۋدە...


1  . اسقا باتا
استان قۇداي ايىرما !
استان قۇداي ايىرساڭ -
باتادى ەل ۋايىمعا .
اسسىز كۇنىڭ _ قۇرشىلىق !
تولسا قىرمان _ مولشىلىق !
توقشىلىق تا _ كوپشىلىك !
كوپشىلىكتىڭ كوڭىلىنە ،
ۇيا سالما جوقشىلىق !
جاقىنىڭدى ، جاتىڭدى ،
ءدام تاتقىزساڭ ماقۇل _ دى .
ءاز داستارقان باسىندا ،
جاۋلاسقاندار _ تاتىۋ _ دى !
اس _ اۋليە ، باق ، نەسىپ !
بەرەكەگە ، بىرلىككە ،
شاقىرارى حاق _ دەسىپ ،
تاس اتقانعا اس اتقان _
قازاق ەلى اق بەسىك !
بەر اعايىن _ اسقا جول !
استىڭ جولى باسقا جول !
استىڭ قونىس سەزبەگەن _
ايدالادا اشتان ءول !
اس _ جۇرەكتىڭ ازىعى !
اق تىلەكتىڭ  _ قازىعى !
ادال  اسىڭ _ ارقاۋىڭ !
اس دەگەنىڭ ءبىر ۇلى _
تىرىلىكتىڭ ول ۇلىعى !
اس دەگەنىڭ ىرىزعى ،
تولسىن سابا قىمىزعا !
قازى _ قارتا بار بولسىن !
قۇراننان دا كىيەلى ،
جالعىز ءتۇيىر ءدان دەرسىڭ _
قاناعاتىڭ جار بولسىن !

2 . سابىيگە باتا

ۋىزعا جارىپ ءوس بوپەم !
بەسىگىڭە بولەنگەن ،
بەسىك جىرىنا كەنەلگەن !
اناڭنىڭ ءتۇسىن ءتورت ، كوكەم !
كەرەمەت نامىس دارىسىن !
بىيكتە بول !
تەرەڭ بول !
جەلدەي ەسسىن شابىسىڭ !
جەلىدە -  قۇلىنىڭ ، قوزىڭ – كوگەندە ،
ءوزىڭ اعىتىپ ، ءوزىڭ كوگەندە !
باسىرگە العان تايىڭ بولسىن !
ەر- تۇرمانىڭ دايىن بولسىن !
نۇر سىيلاسىن جاساعان !
سەن سىلتەگەن قۇرىقتان ،
قۇتىلماسىن قاشاعان !
ساعان رايىمبەكتىڭ باتىرلىعىن بەرسىن !
مۇقاعالىيدىڭ اقىندىعىن بەرسىن !
مەنىڭ ورت ەكپىنىمدى بەرسىن !
بار اۋىل تەنتەكتىگىڭدى كورسىن !
سەن ۇلكەندى سىيلاپ ، كىشىنى اياعىن !
پالە -جالاعا ۇشىراماعىن !
ەلىڭنىڭ داڭقىن اسىر ، سەن !
انا تىلىڭە باس ۇر ، سەن !
تۇنىقتاردان قانىپ ءىش !
دوسىڭ بولسىن ساعىنىش !
سەن ۋاقىتتان وزىپ ءجۇر !
ارمانعا قولىڭ سوزىپ ءجۇر !
اقىلعا باي بول !
تۇعان اي بول !
ەڭبەكتىڭ قۇلى بول !
ادامنىڭ ۇلى بول !
دەسىڭ باسىم بولسىن !
تۇقىمىڭ اسىل بولسىن !

3 . بوزبالاعا باتا

ونەرلى بولسىن ! ءورىستى بولسىن !
كەلبەتتى بولسىن ! كەلىستى بولسىن !
ايباتتى بولسىن ! قايراتتى بولسىن !
جورعالاسى بولسىن ، بايگە اتى بولسىن .
بەيەسى بولسىن ، تۇيەسى بولسىن !
ءدارۋىشتىڭ كەلىپ كىيەسى قونسىن !
دالادا ءجۇرسىن ، قالادا ءجۇرسىن  -
ويدىڭ ساۋلەسى ساناعا كىرسىن !
قارىۋى بولسىن ، ايلاسى بولسىن .
وزگەگە تىيەر پايداسى بولسىن !
بىرەگەي بولسىن ! قىڭىردا بولسىن !
ءومىردىڭ كوشىنە جىعىلماي ەرسىن !
قاستارى بولسا اش قالىپ ولسىن !
شەتىنەن جومارىت دوستارى بولسىن !
اعاسى بولسا _ جاقىندا جۇرسىن !
ءىنىسى بولسا اقىلعا كىرسىن !
استە جانىنا جالعىزدىق جازباسىن !
جاقسىلىق بەرسىن ، كوڭىلى توزباسىن !
ساعىنىش قىسىپ تىنىمىن السىن !
ولە عاشىق بولعان سىۇلۋىن السىن !
بىرلىگى بولسىن ، تىرلىگى بولسىن !
تاربىيە كورگەن ۇل – قىزى بولسىن !
قاجەت جەرىندى ءمانساپتا بەرسىن !
ءمانساپسىز كۇنىن اڭساپتا كورسىن !
سەنىم بولعاسىن ءتوزىم جالعاسىن !
ەلىن قورعاسىن ! جەرىن قورعاسىن !
قىرانداي بولسىن ! قۇلانداي بولسىن !
ءوز اتىن ءوزى ۇرانداي بەرسىن !

4 . بويجەتكەنگە باتا

مىنەزى بولسىن ! سىمباتتى بولسىن !
ءوز اۋىلىنا قىمباتتى بولسىن !
قىلىقتى بەرسىن ! تۇنىقتى بەرسىن !
ادەپتەن وزباس قۇلىقتى بەرسىن !
ۇياتى بولسىن ! مۇراتى بولسىن !
ساۋلىعى بولسىن ! قۋاتى بولسىن !
ەلىنىڭ ەرەن جامالى بولسىن !
داستۇردەن تولىق حابارى بولسىن !
سۇيگەنىنە ەمەس ، سۇيگەنگە بارسىن !
قاستەرىن قىزدىڭ بىلگەنگە بارسىن !
ماحاببات جايلى سىرعا قۇنىقسىن !
سەرگەكتىگىنە قىزدا قىزىقسىن !
بىلەكتەي ەتىپ بۇرىمىن ءورسىن !
سەزىمگە تولى عۇمىرى بولسىن !
ومىردە كۇلسىن ، جىلاماي وتسىن !
قىز ەمەس ، سۇلۋ قۇرالاي ءوتسىن !
قاراپ تويعىسىز ءپىشىنى بولسىن !
جاتقا بەرگىسىز ءموسىنى بولسىن !
تالانتتى بولسىن ! تالابى بولسىن !
لاۋلاتىپ تۇرعان جانارى بولسىن !
قاشاندا تارتقان سىمداي بوپ تۇرسىن !
ماڭداي تەرىنىڭ تابىسىن كورسىن !
ۇلتتىڭ ءبىر – اق نامىسىن بەرسىن !

5 . كەلىنگە باتا

تۇسكەن جەرىڭ وردا ، كەلىن !
اڭساعانىڭ قولدا ، كەلىن !
عايباتپەنەن شەكتەس ، كەلىن !
تۇرما ورىنىڭنان ارەڭ ، كالىن !
ۇلكەن بولسا سالەم ، كەلىن !
اتىن ايتپا، تەرگە ، كەلىن !
يبالى بول ەلگە ، كەلىن !
ورىنى بولەك ويلى ، كەلىن !
ءجون بىلگەنىڭ ءجوندى ، كەلىن !
جولسىزدىقتىڭ جوعالىت كوزىن !
اتىمتاي دا ، جومارتتا وزىڭ !
تەكتى جانسىڭ ، بىلەم ، كەلىن !
ساعان كەرەك ۇنەم ، كەلىن !
ساعان اپپاق تىلەۋ ، كەلىن !
جىگىت دەگەن بىرەۋ ، كەلىن !
كۇيەۋىڭدى سىيلا ، كەلىن !
از سويلەپ ، كوپ تىڭدا كەلىن !
كەلىندەردىڭ ساراسى بول ،
قىزدىڭ دا ، ۇلدىڭ اناسى بول !
سابىردايىن سالماقتى بول !
شارۋادا جان – جاقتى بول !
نەمەرە كور،! شوبەرە كور !
ءبىر اۋىلعا ونەگە  بول !

6 . وتاۋعا باتا

تۇندىگى الدىنان اشىلعاي !
كەنىشىن تەرەڭگە جاسىرعاي !
جاستىقتىڭ ءسۇيىسى بىتپەگەي !
جورگەكتىڭ ءىيسى كەتپەگەي !
قايعىنىڭ ازابى قالماي -
باقىتتىڭ بازارى بولعاي !
تۇماداي تازا ارى بولعاي !
قازاقتىڭ قازىعى بولعاي !
قاناعات قاسىندا جۇرگەي !
ءوزارا تابىنسا بولعاي !
ءبىر ءجۇرىپ ساعىنسا بولعاي !
قول جەتپەس ارمانداي بولعاي !
ەزدىكتى كورگە سۇيرەگەي !
ومىرلىك قوساعى بولعاي !
بىرلىكتىڭ وشاعى بولعاي !
سايتاننىڭ تىلىنە ازباعاي !
ءتىرى دە پەندەلىك جازباعاي !
كوگىنەن ءان ۇزىلمەگەي !
جاقسىنىڭ ءبارى ۇزىلمەگەي !

7 . ەلگە باتا

تىرشىلىگى توق بولسىن !
سايگۇلىگى  كوپ بولسىن !
ءورىسى تۇلىككە تولسىن !
وتاۋى مۇلىككە تولسىن !
قىرمانى دانگە تولسىن !
تالانىتتى حان كوتەرسىن !
ءتاڭىرىم قولداپ تۇرسىن !
تىنىشتىق ورناپ تۇرسىن !
جىگىتى كۇيەۋ بولسىن !
جارىنا سۇيەۋ بولسىن !
جارىققا سابىي كەلسىن !
وڭ قولىن تانىي بەرسىن !
كولىندە كوگىلدىر ءجۇزسىن !
سەنممەن ءومىر ءدۇر قىزسىن !
باسىنان باعى كەتپەسىن !
تاۋىنان اڭى كەتپەسىن !
ماڭىنان گۇل ۇزىلمەسىن !
جانىنان پۇل ۇزىلمەسىن !
دالاسى قالاداي بولسىن !
قالاسى دالاداي بولسىن !
اق اتان قىڭباي ماڭسىن !
دومبىرا قومىقپاسىن !
عۇربىسىن ۇمىتپاسىن !
قىزدارى قىلىقتى بولسىن !
ۇلدارى بىلەكتى بولسىن !
شەبەر ساۋساقتار كوبەيسىن !
بالادان مالساقتار كوبەيسىن !
داناگوي قارتتار بولسىن !
باتانىڭ ايتقانى كەلسىن !
عىلىم مەن ءدىندى ءبىلسىن !
جالقاۋلىق قۇلدىق ۇرىسىن !
تىلىندە تازا سويلەسىن !
باسىنا قازا تونبەسىن !
قاستارى قاشىق بوپ تۇرسىن !
اسپانى اشىق بوپ تۇرسىن !
عاسىردى جاسقانباي كورسىن !
جالاۋى اسپانداي بەرسىن !



评论ىزدەلۋدە......
جوبا تۋرالى | ۋيچات تەكشە | بايلانىس ورناتۋ | ەرەجە - تۇزىم | لەبىز |

توراپتىڭ بارلىق ۇقىعى جۇڭگو قازاق باسپا ءسوز سايتىنا ءتان!

copyright 2018 京ICP备14027709号-2