قازىرگى ورنىڭىز:باتالار جيناعى » تولىق مازمۇن

بۇرىننان قالعان باتالار

قوسىلعان ۋاقىت:2015-04-12رەداكتور:جۇمىكەنقاينارى:جۇڭگو قازاق باسپا ءسوز سايتىكورىلىمى:ىزدەلۋدە...


ە  قۇدايىم، وڭدا، وڭ جولىڭا باستا،
قىدىر دارى ، قىدىر اتا قىرىق بولار.
قىدىردىڭ ءوزى دارىسىن،
جىلقىشى اتا قامبار،
جارىلقاساڭ وزىڭنەن باسقا كىم بار.
شىرەندىرىپ جاتقىز، كوسىلدىرىپ تۇرعىز،
جاز جايلاۋىن جاۋسىز ەت.
قىس قىستاۋىن قارسىز ەت.
دۇنيەدە مۇڭسىز ەت،
تولعاتقانىن ۇل ەت،
پالەدەن ساقتا، جالادان ساقتا،
حاۋىپتەن ساقتا، قاتەردەن ساقتا.
اشىققان   ۇرىدان   ساقتا،
اۋىزى قاندى بورىدەن ساقتا.
كۇلە كىرىپ كۇڭىرەنە شىققاننان ساقتا،
دوس بولىپ، قاس بولعاننان ساقتا،
ءازىرەتتى قادىر ەت،
شىققان تاۋىن بيىك ەت،
كىمدى جارىلقاساڭ، سونىڭ قاسىندا ەت.

***********************************
ەسكەندىر زۇلقارنايىنداي باقتتى قىلعاي،
اي حاكىم سۇلەيمەندەي تاقتى قىلعاي،
حاندايىن ارۋىنعازى داڭىقتى قىلعاي،
اقتىلى قوي، سارالا تۇيەگە قوراڭ تولعاي،
وڭشەڭ اسىل پەرزەنتكە ورداڭ تولعاي،
ءار ەلگە ءار پەرزەنتىڭ پاتشا بولعاي.
جاقسىلىق جاققان وتىڭ شىراق بولعاي،
بۇل باتا بىزدەن ەمەس، قۇدايدان-اي.
قۇتىلماس قاشقان تۇلۆى قۇمايدان-اي،
ارىساق-ات، شولدەسەك-سۋسىن بولعاي،
حاق يەمىز سەن پايدا بولعان لايدان-اي،
ون سەگىز مىڭ عالامنىڭ باسى بولىپ ،
تەنتەكتى قايىرعايسىڭ رايدان-اي.

*******************************
ءومىر بەرسەڭ جايلىعىپ بەرگىن،
داۋلەت بەرسەڭ سايلىعىپ بەرگىن.
ەڭبەگىمىز ونىستى بولسىن،
قامبامىز استىققا تولسىن.
كوسەگەمىز كوگەرە ءتۇسىپ،
مىڭعىرعان مال ورىسكە تولسىن،
ايەل بەرسەڭ ، ادەپتى،
جانعا تىنىش جايلىعىپ بەرگىن.
كەلىن بەرسەڭ، كەلىستى عىپ بەر،
اعاش بەرسەڭ جەمىستى عىپ بەر.
تۇلپار بەرسەڭ ، شابىستى عىپ بەر،
بالا بەرسەڭ، نامسىتى عىپ بەر،
جومارت بولساڭ، وسى ايتقاندارىمنىڭ،
بارلىعىن ءۇيىپ-توگىپ ءبىر-اق بەر.
اللاھۋاكبار

************************************************
جاراتقان يەم، تىلەگىمىزدى قابىل ەت،
يمانىمىزدى كامىل ەت.
ىنتماقسىز، الاۋسىز قىستان ساقتا،
ارى تارت تا، بەرى تارت جۇلقىستان ساقتا،
ءتورىڭدى بيلەر جاتىڭنان ساقتا،
كوك دولى قاتىننان ساقتا،
رۋعا بۇرعان ناداننان ساقتا،
جاقسىلىعى ءوز باسىنان ارتىلماس ادامنان ساقتا،
قارا جۇرەك سەرىدەن ساقتا،
نان اتتاعان كەسىردەن ساقتا،
كەۋدە كورگەن كورگەنسىز كەلىننەن ساقتا،
مەزگىلسىز كەلگەن ولىمنەن ساقتا،
تاتىمسىز تۇزىڭنان ساقتا،
كورگەنسىز قىزىڭنان ساقتا،
بەتىڭە كۇلگەن سۇمنان ساقتا،
بەتىمەن كەتكەن جىننان ساقتا،
جالعاسقان پالەدەن ساقتا،
باس كەتەر جالادان ساقتا،
قايىرسىز مالدان ساقتا،
اڭدىسقان ەلدەن ساقتا،
قازىمىر شالدان ساقتا،
ەز بولعان ەردەن ساقتا،
توتەنشە ناۋبەتتەن ساقتا،
مىندەتشىل جەكجاتتان ساقتا.
ءيا. جاراتقان، ءومىر بەرسەڭ جايلعىپ بەرگىن،
داۋلەت بەرسەڭ ، سايلىعىپ بەرگىن،
ايەل بەرسەڭ ،ادەپتى بولسىن،
الىس-جاقىننىڭ كوڭىلى تولسىن.
ۇل بەرسەڭ، وت بولسىن،
قىز بەرسەڭ ،شوق بولسىن،
كەلىن بەرسەڭ كەلىستى بولسىن،
كەلەشەگى ءورىستى بولسىن.
قۇدا بەرسەڭ، جولداسىڭداي بولسىن،
قۇداعي بەرسەڭ سىرلاسىڭداي بولسىن.
اتا-بابا جولىنا كىم اسسىن،
قۇدالىق مىڭ جىلعا ۇلاسسىن،
ەكى جاستىڭ باقتىن بەرسىن،
ەكى جاق قىزىعىن كورسىن.

,,,,,,,,,,,,,,,,,,,,,,,,,,,,,



评论ىزدەلۋدە......
جوبا تۋرالى | ۋيچات تەكشە | بايلانىس ورناتۋ | ەرەجە - تۇزىم | لەبىز |

توراپتىڭ بارلىق ۇقىعى جۇڭگو قازاق باسپا ءسوز سايتىنا ءتان!

copyright 2018 京ICP备14027709号-2