قازىرگى ورنىڭىز:باتالار جيناعى » تولىق مازمۇن

باتا-تىلەك

قوسىلعان ۋاقىت:2015-04-12رەداكتور:جۇمىكەنقاينارى:جۇڭگو قازاق باسپا ءسوز سايتىكورىلىمى:ىزدەلۋدە...


باتا-تىلەك

بيسميللياھي-ر-راحمان ير راحيم
ءۋا، جاراتقان يەم قۇدىرەت!
تىلەگىمىزدى قابىل ەت،
يمانىمىزدى كامىل ەت!
دوستىڭ كوڭىلىن اشا كور،
دۇشپاننىڭ كوڭىلىن باسا كور!
توزاقتاعى وتتان قاق،
نيەتى قارا جاتتان قاق،
ءنوسىپ بەرگەي، جوقتان قاق!
ادىلدىكتى بۇرعاننان ساقتا،
قايىرىمسىز تۋعاننان ساقتا،
وتپەس پىشاق، شابان اتىڭنان ساقتا،
كوكداۋىل شايپاۋ قاتىننان ساقتا!
قوعامدى جەگەن قاستاردان ساقتا،
شاراپ قۇمار ماستاردان ساقتا،
قارت سىيلاماس جاستاردان ساقتا،
قارنى تويىپ وسىرگەن شاقتا
ناندى تەپكەن كەسىردەن ساقتا،
كەۋدەسىن كەرگەن كەلىننەن ساقتا،
مەزگىلسىز كەلگەن ولىمنەن ساقتا،
تاتىمسىز تۇزدان ساقتا،
ۇياتسىز قىزدان ساقتا،
جىگىتتىڭ اڭقاۋىنان ساقتا،
جاستاردىڭ جالقاۋىنان ساقتا!
ۇلكەنىندە ناقىل جوق،
كىشىسىندە اقىل جوق،
اعايىننىڭ بىتپەس داۋىنان ساقتا!
ۋا، قۇدايىم!
ۇل بەرسەڭ بىلىكتى قىپ بەر.
قىز بەرسەڭ كورىكتى قىپ بەر،
كەلىن بەرسەڭ كەلىستى قىن بەر.
مىنەر ات بەرسەڭ جەلىستى قىپ بەر،
اعاش بەرسەڭ جەمىستى قىپ بەر!
ءتورت تۇلىك مال اۋلاعا تولسىن،
ارپا، بيداي قامباعا تولسىن.
ەل داۋلەتى ورلەى بەرسىن،
جاس ۇرپاق سوعىس كورمەي ءوسسىن!
جاقسىلىققا جانىمىز اسىق بولسىن،
ە، قۇدايىم وڭداسىن،
قىزىر كەلىپ قولداسىن،
باس امان، مال تۇگەل بوپ،
بەرەكە-بىرلىك ورناسىن!
داستارقانىڭ باي بولسىن،
پەيىلىڭ سوعان ساي بولسىن.
ءۇي ىشىندە ۇيىم بولسىن،
ۇيىڭدە كۇندە جيىن بولسىن.
بيىك بولىپ مارتەبەڭ،
توپ ىشىندە سىيىڭ بولسىن،
لۋىزبىرلىك مىقتى بوپ،
جامان جولدان تىيىم بولسىن.
قوناق كۇتەر كۇيىڭ بولسىن،
التى بولمە ءۇيىڭ بولسىن.
وسىنىڭ ءبارىن كوتەرەر
باستارىڭدا ميىڭ بولسىن!
اللاۋاقپار!

كەلىن تۇسىرۋ توي باتاسى
جاس كەلىننىڭ باتاسى،
جاستاردىڭ كوپ قاتاسى.
جەك كورمەيدى بالاسىن
اناسى مەن اتاسى.
بالالار، كوتەر قولىڭدى،
حايىرلى قۇتتى جولىڭدى.
يەم بەرسىن مال مەن باس،
تولتىرسىن وڭ مەن سولىڭدى.
مەن بەرەيىن باتامدى،
كىشىپەيىل بولىپ، كەلىنجان،
سىيلا ەنەڭ مەن اتاڭدى،
كەكشىل بولما، قاراعىم.
كەشىرەر اركىم قاتاڭدى.
بولا بەرسىن ويىن-توي،
قىزىقتاپ تويلاۋ — قۇرمەت قوي.
اقىل، ەستەن ايرىلماي،
جاستارىم ەسكە الىپ قوي،
حايىرلى بولسىن تويىڭىز،
قۇدالار كەۋدە سوقتىرىپ،
قۇيرىق-باۋىرعا تويىڭىز،
اللاھۋ اكپار!

دامگە باتا
اۋەلى قۇداي ەسەن ەت،
جيرەنشەدەي شەشەن ەت.
اتىمتايداي كوسەم ەت،
لۋقپانداي بەرەگەن ەت.
يبراھيمنىڭ باقىتىن بەرسىن.
سۇلەيمەننىڭ تاقىتىن بەرسىن.
قىدىر قۇسى قونسىن قاسىڭا،
بۇلبۇل قۇس قونسىن باسىڭا.
جورىتقاندا جولىڭ بولسىن،
جولداسىڭ قىزىر بولسىن.
جوعارى بولسىن جۇلدىزىڭ،
باقىتتى بولسىن ۇل-قىزىڭ.
اس يەسى بايىسىن،
بار ويلاعان ارمانىڭ
جاقسىلىققا سايىسىن.
اللاھۋ اكپار!

ون ەكى مۇشەگە ارنالعان باتا
مىنا بەرگەن باسىڭ،
امان بولسىن كارى-جاسىڭ.
مىنا بەرگەن جامباسىڭ،
امان بولسىن جولداسىڭ.
مىنا بەرگەن جىلىگىڭ،
امان بولسىن ىلىگىڭ.
مىنا بەرگەن ءتوسىڭ،
باق داۋلەتىڭ ءوسسىن.
مىنا بەرگەن ومىرتقا،
جاماندىققا جولىقپا.
مىنا بەرگەن قابىرعا،
ىنتىماق-بىرلىگىڭنەن ايرىلما.
جولعا شىقساڭ جولىڭ بولسىن،
جولداسىڭ قىدىر بولسىن.

ساقتىق باتاسى
ۋا، قۇدايىم، تىلەگىمىزدى
قابىل ەت،
يمانىمىزدى كامىل ەت.
توزاقتا جانعان وتتان ساقتا،
قاڭعىرىپ تيگەن وقتان ساقتا.
پاراقور سوتتان ساقتا،
كىرلى سۋمەن جۋىستان ساقتا.
ىنتىماقسىز تۋىستان ساقتا،
قاراجۋرەك باقىلدان ساقتا.
كوكداۋىل قاتىننان ساقتا،
كەۋدەسىن كەرگەن كەلىننەن ساقتا.
مەزگىلسىز كەلگەن ولىمنەن ساقتا،
ۇياتسىز قىزىڭنان ساقتا.
تۇنەرىپ اتقان تاڭنان ساقتا.
جاڭبىرسىز بولعان جازىڭنان ساقتا،
قارسىز مۇزداڭ قىسىڭنان ساقتا.
جاستارىندا ادەپ جوق،
ۇلكەندەردە ءپاتۋا جوق،
قۇر ايعاي، شۋىڭنان ساقتا.
الدىڭنان باقىتىڭ اشىلسىن.
قىزىر ءىلياس بارلىق پالەنى
قاشىرسىن.
اللاھۋ اكپار!



评论ىزدەلۋدە......
جوبا تۋرالى | ۋيچات تەكشە | بايلانىس ورناتۋ | ەرەجە - تۇزىم | لەبىز |

توراپتىڭ بارلىق ۇقىعى جۇڭگو قازاق باسپا ءسوز سايتىنا ءتان!

copyright 2018 京ICP备14027709号-2