قازىرگى ورنىڭىز:باتالار جيناعى » تولىق مازمۇن

جاس نارەستەنىڭ شىلدەحاناسىندا بەرىلەتىن باتا

قوسىلعان ۋاقىت:2015-04-12رەداكتور:جۇمىكەنقاينارى:جۇڭگو قازاق باسپا ءسوز سايتىكورىلىمى:ىزدەلۋدە...


جاس نارەستەنىڭ شىلدەحاناسىندا بەرىلەتىن باتا

نارەستەنىڭ باۋى بەرىك بولسىن،
اتا-اناسىنا سەرىك بولسىن!
ازامات بولىپ ەر جەتسىن،
اقساقال بولىپ تەرلەتسىن،
ازامات بولسىن كورىكتى،
عۇمىرى ۇزىن بەرىكتى،
قول قاناتى كوپ بولىپ،
ارتىنان ەرتە بەرسىن سەرىكتى، ء
ازامات بولسىن ارداقتى،
مىنەزى بولسىن سالماقتى،
ونەرى بولسىن جان-جاقتى،
وسى ايتقاننىڭ ءبارى كەلىپ،
اللا بەرسىن زور باقتى،
اللاۋ اكبار!. .

كەلىن تۇسكەندە ايتىلاتىن باتا
سەمياڭ ۇلكەن باي بولسىن،
ءتورت تۇلىگىڭ ساي بولسىن،
اتا-اناڭنىڭ كوڭىلى جاي بولسىن،
شاڭىراعىڭ جوعارى، بيىك بولسىن
مال-باستى ءۇيىپ بەرسىن،
بوساعاڭ بەرىك بولسىن،
تاتۋ-ءتاتتى ماحابباتتى
ءبىر-بىرىنە سەرىك بولسىن،
داستارقاندارىڭا بەرەكە بەرسىن،
باستارىڭا مەرەكە بەرسىن،
استارىڭا ادالدىق بەرسىن،
باستارىڭا اماندىق بەرسىن،
دەندەرىڭە ساۋلىق بەرسىن،
قىزمەتتەرىڭە تابىس بەرسىن،
قول جەتكىسىز ىرىس بەرسىن!
داستارقاندارىڭ توق بولسىن،
ۋايىم-قايعىلارىڭ جوق بولسىن،
وتباستارىڭ شۋىلداپ،
كۇلشاشارلارىڭ كوپ بولسىن!
باق-داۋلەت بەرسىن باستارىڭا،
عۇمىر بەرسىن جاستارىڭا،
پالە-جالا، جىن-شايتان
جولاماسىن قاستارىڭا!
اللاۋ اكبار!. .

اسكەرگە اتتاناتىن ازاماتقا بەرىلەتىن باتا
ساپارىڭدى وڭداسىن،
الاشتىڭ رۋحى قولداسىن،
تارتىپكە ءتۇسىپ، شىنىعىپ،
سايلانىپ قارۋ بويعا السىن
سەن ەلىڭنىڭ شىراعى،
وتاندى قورعا قىراعى،
ەل شەتىنە جاۋ تيسە،
اجال بولسىن تۇراعى،
ءمانىسىن ۇق باتانىڭ،
بورىشىن وتە وتاننىڭ،
اماندىق پەن ساۋلىقتى،
مەن دە تىلەپ وتىرمىن،
امان بارىپ، ساۋ قايتىپ،
بەرسىن جولدىڭ توتەسىن،
ەكى جىلدىق مىندەتى
ابىرويمەن ەتەلسىن،
بەرە بەرسىن تىلەۋدى،
بەيبىتشىلىك جاساسىن،
بىلمە جاسىپ، جۇدەۋدى،
شيراپ، بويىڭ جاراسىن،
شىنىعا بەر بولاتتاي،
ەلگە جاۋدى جولاتپاي،
قاتاڭ ساقتا ءتارتىپتى،
تۋرا جۇرگەن ساعاتتاي.



评论ىزدەلۋدە......
جوبا تۋرالى | ۋيچات تەكشە | بايلانىس ورناتۋ | ەرەجە - تۇزىم | لەبىز |

توراپتىڭ بارلىق ۇقىعى جۇڭگو قازاق باسپا ءسوز سايتىنا ءتان!

copyright 2018 京ICP备14027709号-2